هل انت سفنجة؟


:D

عنوان غريب طبعا
يعنى ايه هل انت سفنجة دى

المقصود ان هل انت فيك طبيعة الاسفنج
الاسفنج ينكمش بالضغط
واحيانا لما بيبقي مبلول بيخر :D

تعالى طبق على شخصية الانسان
فعلا فى ناس كده؟

بتنكمش بالضغط وتخر
يعنى مجرد شوية ضغوط عصبية او انفعالات كفيلة انك تخليك تبوح باسرار المفروض متتقالش لحد
يقال ان السر لو خرج من بين اتنين ميبقاش سر

وبمجرد الضغط بيخلى الانسان يطلع الاسرار

مش شرط يكون الضغط ضغط من انسان تانى
ممكن يكون ضغط موقف
او ضغط احتياج لحاجة معينة
زى الفضفضة كده
بتبقي محتاج تطلع سرك لمجرد انك ترتاح نفسيا بالمواساه او الطبطبة بلهجتنا العامية

طب هل اللى فيه طبيعة الاسفنج دا انسان ضعيف؟

انا عن نفسي ماعتقدش
ممكن يكون قصور فى الشخصية
ممكن يكون ظروف خارجة عن الارادة
وفى الحالتين مبيبقاش عيب الانسان

بس العيب فى الشخصية انك تقول كلام وتنفذ غيره
تبقي بتاخد الناس على اد عقلها
وفى تعاملاتك الشخصية بتبقي حاجة تانية
بداعى توفيق جميع الاطراف

العيب ان يكون ليك شخصية مرسومة ادام الناس وبينك وبين نفسك بشخصية تانية
العيب ان يبقي ليك وشين
وش المبادئ والشخصية الانكسارية ادام الناس
وفى تعاملاتك الشخصية عندك هو رقم واحد بداعى ان دى شخصيتك

دايما وانا بكتب فى البلوج بحاول اكون واقعى لابعد الحدود
وفى نفس الوقت بحاول انقل كل تصرف بناءا عن شخصيتي انا
مش بناءا عن كلام افلام وقصص

حتى لما كنت بتكلم عن الحب اظن كنت واقعى لابعد الحدود
ومع ذلك رضا الناس غاية لا تدرك

طائفة تقولك يا عم انت متحفظ اوى كده ليه
وناس تقولك ايه يا عم الحبيب

طب المفروض الواحد يتعامل ازاى


لتكن شخصيتك مرنة مع الجميع بشرط ان تكون ذو الوجه الواحد


الغاز .. مش كده؟؟

ودمتم سالمين
:)

17 Comments:

  1. ЯậŇ MỗŘỹ said...
    سلام عليكم
    الموضوع جميل جدا يا أحمد
    من ناحية السؤال أنا كنت فى البدايه عمرى ما بطلع اللى جوايا لحد بس حاليا اتعرضت لأسوأ المواقف خلانى اطلع شويه من اللى جوايا بس مش كله اصل لو كله طلع الناس هتنتحر و انا خايفه عليكم بقى
    على فكره مواضيعك بتعجبنى موت
    سورى علشان ما دخلتش البلوج بقالى كتير
    بس بجد البلوج رائع
    ЯậŇ MỗŘỹ said...
    اه نسيت أغيظك و أقول انا اول تعليق
    P-:
    ma said...
    السلام عليكم,,,
    بالنسبة لى انا فعلا فى مواقف بتخلينى اقول كل اللى جواية بس مش لاى حد يعنى بكون حريصة انا بقول الكلام ده لمين
    انا شايفه ان ده مش عيب فى الشخصية طالما الكلام اللى هقوله خاص بيه مش بالآخرين بس اهم حاجة تكون عارف عاقبة الكلام ده ايه, يعنى تكون ضامن اللى هتقوله الكلام ,
    وعلى فكرة الفضفضة دى بتريح جدا
    OlivE said...
    موضوع رائع

    بس انا عن نفسى لمجرد ان السر نطق بيه لسانى خلاص مبقاش سر حتى لاقرب الناس مش لعدم الثقه بس السر هو الحاجة اللى جوانا اللى محدش يقدر يطلع عليها حد غير الله سبحانه وتعالى

    بس مش معنى ان الواحد يفضفض او يقول عن حاجة مضيقاه يبقى لازم سر ممكن تكون مواقف عاديه ممكن نكون احنا مثلا بنكبرها نقول لالالالالالالا دا سر بس فى الاخر بيبقى موضوع عادى جدا ومحتاج انك تسمع من شخص تانى ان الموضوع عادى جدا ومش محتاج منك كل الاهتمام ولا التحفظ دا ...طيب ولو سر عادى مش مشكله مش عيب ولا ضعف بس بيبقى وصلت بقى لعنق الزجاجه وجبت اخرك فيها فبتحتاج انك تتكلم ممكن تندم بعدها ممكن وممكن متندمش حسب بقى اللى اخترته لدا وهل انت من جواك واثق اوى ولا كانت لحظه ضعف

    مش لازم كل انسان يبقى فى طبع السفنجه زى ما بتقول يبقى ضعيف بس كل انسان وقدره تحمله للمشاكل والحياه لان الحياه بقى كلها ضغوط على كل الناس حتى الطفل الصغير عليه ضغوط فتقريبا كدا كل الناس بقت سفنجه :)


    //بس العيب فى الشخصية انك تقول كلام وتنفذ غيره
    تبقي بتاخد الناس على اد عقلها
    وفى تعاملاتك الشخصية بتبقي حاجة تانية
    بداعى توفيق جميع الاطراف//
    مظنش ان دا يبقى للتوفيق ما بين جميع الاطراف دا بيبقى حد بيسهل لنفسه كل حاجة بمعنى تانى منافق شوتين وبذمتين علشان يمشى اموره ومفيش حد بيحب يتعامل المعامله دى من اى حد ساعه الهزار دا انت معرفش وساعه الجد انا معرفكش وتسمع كلام بجد ينسيك كل حاجة حلوه مرت مع الشخص دا سواء بقى صديق ام قريب

    موضوع الفضفضه دا محدش ينكر انه حاجة مهمه جدا جدا بتريح بس اهم شىء تكون مش بتجرح فى حد ولا بتغلط فى حد انك تكون متسامح لابعد الحدود وبرضوا تكون بتفضفض باللى جواك

    امممممممممم

    كفايه كدا رغيت كتير

    سلام
    موضوع حلو اوى
    موناليزا said...
    العنوان اوحى لى بان الانسان ممكن يمتص الكثير من الاخطاء ولكنه حتماً سيخرجها منه اذا ما تم الضغط عليه
    halaS demahoM said...
    ماشي يا عم الفلين انت
    خد عندك
    مفيش حاجه اسمها سر ومبيخرجش
    والكلام المجلعص دون
    لسبب بسيط
    ان السر كما تدعي ... عباره عن موقف
    ومدام موقف يبقي ناس كتير شافته
    بس انت اللي مكبر الموضوع وعاملي فيها سر ... ومحدش يعرفه غيري
    ومش هحكيه لحد
    اما بقي لو كان حاجه شخصيه انت بس اللي تعرفها ... ومش عاوز تبوحها لحد
    يبقي انت تقول بقلب جامد جدا
    انا بايكراكتر
    ده ايه الخرف اللي انا بقوله ده
    معلش مش كل الناس هنا هتفهم قصدي
    وده لاني بكتب للكاتب

    \\
    يقال ان السر لو خرج من بين اتنين ميبقاش سر
    \\
    صباح مش زي كل صباح
    يعني انا كده اتفضحت ومبقاش عندي سر
    لاء بص يا ابوصلاح
    الفكره ان انت بتجكي لشخص بتحس فيه نفسك يعني كانك بتتذكر مثل هذه الاشياء فيتتكلم
    والشخص ده بتكون متأكد انه هيفيدك لا العكس
    صحيح الشخص ده بيحس بكده مع حد تاني فبيحكيله والشخص التالت يحكيله وتستمر امتداد السلسله دي
    صحيح بتكون اتسيط بس في نطاق معين
    والطيور علي اشكالها تقع يا عمونا
    يعني هتلاقي كل الناس اللي تعرف السر ده كلها حصل معاها قبل كده
    انت فاهمني
    ؟
    ؟
    ؟
    \\
    الطبطبة بلهجتنا العامية
    \\
    ومالها العاميه يعني ده نانسي بتغني بيها

    \\
    دايما وانا بكتب فى البلوج بحاول اكون واقعى لابعد الحدود
    \\
    يا عم عارفين
    متتكلمش عن نفسك
    متتكلمش عن نفسك
    سيب مقالاتك تتكلم عن نفسها


    \\
    وفى نفس الوقت بحاول انقل كل تصرف بناءا عن شخصيتي انا
    مش بناءا عن كلام افلام وقصص
    \\
    اه ما انا عارف مبتعتمدش انت علي القصص والافلام
    مقضيها انت اغاني بامارة مدرسة الحب بتاعت كاظم اللي انت نزلتها عنوان

    واخد انا بالي

    \\
    لتكن شخصيتك مرنة مع الجميع بشرط ان تكون ذو الوجه الواحد
    \\
    how come
    ?
    ?
    ?
    ?
    ?
    ?
    ?
    ?
    ?
    peace
    e_emy said...
    ""لتكن شخصيتك مرنة مع الجميع بشرط ان تكون ذو الوجه الواحد ""

    جميله اوووووووى الجمله دى

    بس ساعات مبتنفعش وبنخسر الناس
    بس عندى اخسر حد احسن مااخسر نفسى
    وطول الوقت مبقاش مرتاحه (:

    بالنسبة للانسان السفنجة D:

    مفيش حد مجبر انه يعمل اى حاجه حتى لو فيه ضغوط حوليه .... علشان كده بنتحمل نتيجةالى عملاناه اين كان النتيجة ايجابيه او سلبية ومنقدرش نلوم حد غير نفسنا مش الضغوط ....


    موضوع رائع كالعادة (:
    !! a7mad sala7 !! said...
    ههههههههههههههههههههه

    راجعلكو

    معلش اتاخرت
    بس ظروف



    راجعلكو قريبا
    !! a7mad sala7 !! said...
    روان


    كل اول تعليق وانتى طيبة

    ميغسي على ذوقك
    وكفاية تشريفك معانا


    مصاصة هنا لروان يابنى
    !! a7mad sala7 !! said...
    ma

    //ده مش عيب فى الشخصية طالما الكلام اللى هقوله خاص بيه مش بالآخرين//

    تمااام
    الله ينور عليكي

    والفضفضة بتريح جدا طبعا
    وساعات مبتبقاش فضفضة
    يعنى بيبقي اضطرار
    او زنقة مواقف :D

    نورتيني يا باشمهندسة
    !! a7mad sala7 !! said...
    Olivetree

    زيتونتنا الجميلة
    هو مش لازم يبقي سر
    ممكن يكون موضوع خصوصى جدا
    وممكن يكون حاجة حساسة جدا

    بس متهيالى ان موضوع السر دهلو خرج لطرف غير معنى
    يعنى مطرف ملوش علاقة بالموضوع ومش هيأثر سلبا او حتى ايجابا
    بتبقي حاجة كويسة
    وبيبقي فيها شيئ من الراحة النفسية

    متفق معاكى جدا فى باقي الكلام
    حتت النفاق دى مش عارف حكمها
    بس هى عادة وحشة اوى ومن امراض القلوب والعياذ بالله

    نورتينا يا استاذى
    !! a7mad sala7 !! said...
    موناليزا

    ضيغتنا الجديدة
    اهلن وسهلن ومرحبن

    //العنوان اوحى لى بان الانسان ممكن يمتص الكثير من الاخطاء ولكنه حتماً سيخرجها منه اذا ما تم الضغط عليه//

    ممكن بردو
    بتفسير الموناليزا :D

    فكرة كويسة جدا ممكن يتكتب عنها

    المهم شرفتينا
    !! a7mad sala7 !! said...
    امسكنى لو تعرف

    المشاغب دائما
    ابولسان طويل


    //معلش مش كل الناس هنا هتفهم قصدي
    وده لاني بكتب للكاتب//

    ههههههههههههه
    مفهوم مفهوم

    //متتكلمش عن نفسك
    متتكلمش عن نفسك
    سيب مقالاتك تتكلم عن نفسها//

    طيب يا عم الاديب

    //مقضيها انت اغاني بامارة مدرسة الحب بتاعت كاظم اللي انت نزلتها عنوان//

    هههههههههههههههههه
    دا مش عنوان على فكرة

    //\\
    لتكن شخصيتك مرنة مع الجميع بشرط ان تكون ذو الوجه الواحد
    \\
    how come
    ?
    //

    تيجي كده

    شايفها؟؟

    بيس
    !! a7mad sala7 !! said...
    e_emy

    //بس عندى اخسر حد احسن مااخسر نفسى
    وطول الوقت مبقاش مرتاحه (://

    بالظبط كده

    درس مستفاد مهم جدا

    لو هنطلع بيه لوحده من الموضوع يبقي كفاية اوى


    منورانا كالعادة D:
    !! a7mad sala7 !! said...
    بشكر كل سفنجة شاركتنا الموضوع
    ونردهالكو فى المناديل :D
    halaS demahoM said...
    علي فكره يا ابوصلاح ردك الاخير ده نزل علي التاسك بار عسل
    في سكر كده ع الشاشه
    ايه ياد الحلاوة دي
    !! a7mad sala7 !! said...
    ;;)

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds