موضوع هادف .. هع هع هع

كان ياما كان
يا سعد يا اكرام
ما يحلى الكلام
الا بذكر النبي عليه الصلاة والسلام
(عليه الصلاة والسلام)

يحكى ان كان فى ولد وكان ليه بلوج
دخل عالم التدوين بالصدفة
كان حب استطلاع
على غاية للمشاركة
على فضول اكتشاف اسرار المجال ده

واتحول بعد كده الى جزء من حياته
مجتمع زى البيت والشارع والجامعة والميل ماهما مجتمعات

شاف كتير وقليل
ولف على بلوجات كتير وشاف عقليات مختلفة
من خلال طريقة كل واحد فى تدوينه واختيار مواضيعه ومناقشته
وسلوكياته مع المدونين التانيين

اتعلم ان زى ما هو ليه حق يتكلم ويوصل فكرته ويعبر عن رأيه
وينتقد
انه بردويتقبل النقد بصدر رحب
وانه بردو يرد ع الناس كلها ويحترم كل واحد ايا كان سنة او مستواه
ويعامل كل شخصية بطريقة تسمح ليه بالمعاملة معاها
وفى حدود علاقته بيها ايا كانت قوية او ضعيفة
طالما فى حدود الاحترام والود المتبادل

وكون ان ليه اسلوب وطريقة معاملة وطباع خاصه بيه
دا المفروض ميأثرش على معاملته مع الناس
لان من حق كل واحد انه ميسمعش الكلام اللى يأزيه
او يلاقي تصرف هو مش حابه
وان هو مش مطالب انه يستحمل اسائة حد بداعى ان هو دا طبعه

ناس كتير واخده مفهوم البلوج غلط
المفروض مدونة يعنى للتدوين

كل واحد عنده مدونة خاصة بيه يبقي عشان يدون بنفسه
ولنفسه
دا اولا

ثانيا:
حتة ان فى تعليقات دى اوبشن
اختيار للزائر
ليه الحق انه يرد او لا
زى ما ليه الحق انه يعجب بالموضوع او ينتقده
طالما بردو فى حدود الالتزام

والمفروض ان واجبه هو كمدون انه يسمع من الناس كلها ويرد عليها ويناقشها
وانه طالما سمح بالتعليقات يبقي يسمع رأى كل واحد ويسيبه يقول رأيه
طالما فى حدود الالتزام (بقولها للمرة التالتة)

مش مستعد انك تعمل كده يبقي عندك خاصية الغاء التعليقات على الموضوع
الموضوع اللى مش عايز يسمع تعليقات من حد عليه يبقي يلغى الردود عليه
وكفى الله المؤمنين شر القتال

هو بقي عايز يكتب ايه دى متخصش اى حد
عايز يدون ايه دى بتاعته هو بس ومحدش ليه الحق انه يتدخل فيها
ممكن يبقي عند اى حد اقتراح او نصيحة يقولها
لكن المدون مش مجبر انه ينفذه
لان المدونة دى بتاعته هو
لوحده
يعنى احدى ممتلكاته الخاصة

دا مش منتدى عام عشان تلتزم بموضوعات معينة تتكلم فيها
ولا عشان تنتقي الموضوعات الهادفة
التى تعود بالنفع على سائر المجتمع

دى مدونة عشان يحط فيها احاسيسه
والحاجات الخاصة بيه
يعنى زى كشكول عنده

اما حتة ان الموضوعات هادفة دى ولا لا
يمكن تكون هادفة بالنسباله
يعنى ليها هدف معين بالنسباله
بس للى بيقرا ملهاش هدف
فـ دى مش مشكلة

هو مش مجبر انه يخلى لكل قارئ هدف من قرائته للموضوع
زى ما القارئ مش مجبر انه يقرا اللى مكتوب
او حتى يرد عليه

مع العلم ان اللى هيرد على عينه وراسه
واهلا وسهلا بيه
ويتعمله نسكافيه كمان :)

ونزل يابنى نسكافيه لكل واحد بيقرا دلوقتى :D

كمان هدية لاول تعليق :P

اقعدو بالعافية

29 Comments:

  1. Che Ahmad said...
    تسلم ايدك
    في الجول
    !! a7mad sala7 !! said...
    نسكافية وهدية لهيما هنا

    :)
    galaxy said...
    لا تمام تومام تومام


    موضوعك جامد يا صلاح... و فعلا هااااااادف... هههع
    galaxy said...
    بس ليه ههع يا صلاح؟؟؟
    !! a7mad sala7 !! said...
    هو كده


    متلعبيش فى الحاجات دى
    لاحسم غلط على بتوع المنوفية :P
    HuSsIeN said...
    اصلى
    يا بوب

    هو ده التظبيط المظبوط
    Bola 7elmi said...
    "" الخلاااااااصه ""
    دى مدونة عشان يحط فيها احاسيسه
    والحاجات الخاصة بيه
    يعنى زى كشكول عنده
    يمكن تكون هادفة بالنسباله
    بس للى بيقرا ملهاش هدف
    """""""""""""""""""""""""""""""""

    إشطااااا :)
    !! a7mad sala7 !! said...
    HuSsIeN


    هههههههههههههههههههههههههه

    اشطه يا حسين
    ويلكم باك يا بوب
    morgana said...
    /هدية لاول تعليق/
    هو باقي التعليقات النسكافية بفلوس ولا ايه؟
    /:)

    انا يوم ما عملت البلوج مش عارفة عملته ليه بصراحة بس تجربة يعني

    بس بعد كده عجبني ان الواحد يحاول يطلع اللي جواه ويبقي في ناس حواليك كده تتكلم معاهم

    أربعة نسكافية واتنين عصير قصب
    :D

    بوست كده
    تمام
    morgana said...
    /أربعة نسكافية واتنين عصير قصب/

    مش طمع ولا حاجة بس بحوش نصيب توتا
    هو كده
    :(
    :(
    :(
    !! a7mad sala7 !! said...
    Bola 7elmi


    مش دى الخلاصة على فكرة

    لو دى الخلاصة انا ممكن الخصهالك فى سطرين


    شكلك مقريتيش الموضوع كله
    !! a7mad sala7 !! said...
    morgana


    تمام
    ادى حاجة مش من ملخص بولا
    ;)

    على فكرة لو مشيتو على ملخص بولا هتروحو فى داهية

    الموضوع كبير كبير كبير :D

    وبالنسبة للمشاريب هنا

    طالما انتى وتوتا






    يبقي ازاة حاجة ساقعة لتر تخمسو فيها مع بعض :))

    شفتى الكرم

    مبزر انا

    هع هع هع
    واحد كده said...
    لا موضوع حلو صحيح
    !! a7mad sala7 !! said...
    اوك
    morgana said...
    /يبقي ازاة حاجة ساقعة لتر تخمسو فيها مع بعض /

    لا ماتجيب ازازة من امو جنية احسن اللي انقرضت :D


    بالنسبة لموضوع الاغاني ربنا يهدينا وما نسمعش خالص
    بس الواحد علي طول تنونو في دماغه كده
    !! a7mad sala7 !! said...
    ههههههههههههههههههههههههههههه

    مفيش اصغر من امو جنيه؟؟

    الصودا مضرة بالصحة على فكرة

    :))
    HuSsIeN said...
    انا عايز ازازة هنا يا ماااااان

    بيبسى

    ولا انا ماليش فيه ولا ايه الدنيا
    wegdan said...
    موضوع كثييييير حلو

    وهادف كمان

    كان نفسي الحق على الهديه
    بس جيت متاخره كثييييييير

    واخذوا الهديه قبلي :(

    عموما

    مواضيعك كلها حلوه :)
    بالتوفيق ان شاء الله

    وجــــــــــــدان
    halaS demahoM said...
    بص يا أخ
    قلت لي اسمك ايه؟
    بص ياللي زي ما انت لسه قايل دلوقت

    كل واحد شايف انه الحاجه اللي بيعملها صح ومتأكد منها
    يبقي خلاص ميفرقش معاه اي كلام
    واحد دخل قال لا تعليق
    واحد دخل قال مش عارف ايه
    مش هتفرق معاه
    وانت قد الحاجه دي يبقي اعملها وانت قلبك جامد واتحدي اي حد يدخل يرزل عليك

    مش عارف اقولك ايه ؟
    بس هقولك اسلوب السهوكه اللي الواحد بيشوفه ده
    مبيعجبوش ... وبينرفزني شخصيا
    هتقولي متردش هقولك انت شايف ان عدم الرد ده الحل
    انا شايف غير كده

    وع العموم يا سيدي
    الباب اللي يجيلك منه الريح سده واستريح
    صحيح هو كان باب ولا شباك
    !! a7mad sala7 !! said...
    HuSsIeN

    نزل لحسين عربية نقل شايله حاجة ساقعة

    دانت الخير والبركة يا عمنا :D
    !! a7mad sala7 !! said...
    wegdan

    وجدان هنا
    يا مرحابا

    بالنسبة للهدية انتى ليكي هدية مخصوص
    عشان زيارة من خارج القطر

    محدش يفكرها كوسة يعنى

    اللى هيرد من خارج مصر ليه هدية عندى :D
    !! a7mad sala7 !! said...
    mo7mad sala7 3rafa

    اسمي احمد صلاح


    //كل واحد شايف انه الحاجه اللي بيعملها صح ومتأكد منها
    يبقي خلاص ميفرقش معاه اي كلام//

    لا على فكرة متجيش كده
    الكلام ده لو انت قاعد فى بيتك وواحد دخل قالك ايه اللى انت بتعمله ده
    لكن موجود وسط ناس متعرفهاش مينفعش اقول ميفرقش معايا اى كلام


    //بس هقولك اسلوب السهوكه اللي الواحد بيشوفه ده
    مبيعجبوش ... وبينرفزني شخصيا
    هتقولي متردش هقولك انت شايف ان عدم الرد ده الحل
    انا شايف غير كده//

    ايوة متردش
    طالما محدش وجهلك كلام يبقي متردش
    عايز ترد رد بالحسني
    لانك مش هتقنع حد بالعافية

    //صحيح هو كان باب ولا شباك//

    كان شيباب :P
    ЯậŇ MỗŘỹ said...
    سلام عليكم
    الموضوع جميل جدا يا أحمد
    حاسه انك اتكلمت فيه عن كل اللى كان جوايا بس مكتبتش عنه
    تصدق ان البلوج دلوقت بقى عالمى الخاص يعنى لما اكون زعلانه بفتح البلوج قدامى و اكلمه زى ما اكون بكلم شخص و بحكيله بس طبعا مش بنشر الكلام ده (عقبال عندك اتجنت زياده و بقيت بكلم نفسى و البلوج و بتخيل لحد ما عقلى بقيت اقرأله الفاتحه
    و كل واحد و مدونته بقى هو حر يكتب فيها اللى هو عاوزه
    و مدونتى وحشتنى قوى سلام بقى اروح اجننها شويه
    !! a7mad sala7 !! said...
    طيب ابقي سمليلي عليه
    Bola 7elmi said...
    :|
    ЯậŇ MỗŘỹ said...
    اه نسيت أقولك الموضوع الاخير بتاع همسه
    رائع رائع رائع
    بجد ربنا يوفقك
    فرحت جدا لما قريت اللى انت كاتبه
    يا رب تتغير للأحسن دايما
    و ربنا يهديك للطريق السليم
    OlivE said...
    موضوع جميل جدا
    وفعلا المدونه دى امتع الحاجات اللى ممكن الواحد يلاقيها على النت ويقول فيها كل حاجة جواه بكل احترام ومن غير ما يكون كلامه دا اساءه لحد بس فعلا فى مواضيع كتير وكلام كتير بنحب نقوله وبعد فتره بنحب نرجع نقراه تانى...

    يمكن لما بدات اهتم اكتر بالبلوج واعرف ناس من عليه واشوف مواضيعهم وتعلقاتهم حسيت انه طريقه كويسه جدا وبشجعه فعلا دلوقتى جدا وبحب ادور كدا واشوف كل المواضيع وبحب ادون حاجات فيه تسعدنى وكل حاجة ممكن تكون جوايا

    اثرت موضوع جميل جدا وكلامك فعلا جميل وهادف اوى
    تسلم على الموضوع وطبعا مش جديده على مواضيعك يا استاذى


    النسكافيه موصلش على فكره هو الكوفى شوف قفل ولا ايه مينفعش كدا مش علشان جيت متاخره شويه يروح عليا...

    سلام
    !! a7mad sala7 !! said...
    روح بلا فرح


    ربنا يهدينا جميعا
    !! a7mad sala7 !! said...
    Olivetree


    يا استاذة الاساتذه النسكافيه فى السكة

    شكله جاى من فرنسا
    هههههههههههههه


    بس هيجيلك نو واى :D

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds