هل انت سفنجة؟


:D

عنوان غريب طبعا
يعنى ايه هل انت سفنجة دى

المقصود ان هل انت فيك طبيعة الاسفنج
الاسفنج ينكمش بالضغط
واحيانا لما بيبقي مبلول بيخر :D

تعالى طبق على شخصية الانسان
فعلا فى ناس كده؟

بتنكمش بالضغط وتخر
يعنى مجرد شوية ضغوط عصبية او انفعالات كفيلة انك تخليك تبوح باسرار المفروض متتقالش لحد
يقال ان السر لو خرج من بين اتنين ميبقاش سر

وبمجرد الضغط بيخلى الانسان يطلع الاسرار

مش شرط يكون الضغط ضغط من انسان تانى
ممكن يكون ضغط موقف
او ضغط احتياج لحاجة معينة
زى الفضفضة كده
بتبقي محتاج تطلع سرك لمجرد انك ترتاح نفسيا بالمواساه او الطبطبة بلهجتنا العامية

طب هل اللى فيه طبيعة الاسفنج دا انسان ضعيف؟

انا عن نفسي ماعتقدش
ممكن يكون قصور فى الشخصية
ممكن يكون ظروف خارجة عن الارادة
وفى الحالتين مبيبقاش عيب الانسان

بس العيب فى الشخصية انك تقول كلام وتنفذ غيره
تبقي بتاخد الناس على اد عقلها
وفى تعاملاتك الشخصية بتبقي حاجة تانية
بداعى توفيق جميع الاطراف

العيب ان يكون ليك شخصية مرسومة ادام الناس وبينك وبين نفسك بشخصية تانية
العيب ان يبقي ليك وشين
وش المبادئ والشخصية الانكسارية ادام الناس
وفى تعاملاتك الشخصية عندك هو رقم واحد بداعى ان دى شخصيتك

دايما وانا بكتب فى البلوج بحاول اكون واقعى لابعد الحدود
وفى نفس الوقت بحاول انقل كل تصرف بناءا عن شخصيتي انا
مش بناءا عن كلام افلام وقصص

حتى لما كنت بتكلم عن الحب اظن كنت واقعى لابعد الحدود
ومع ذلك رضا الناس غاية لا تدرك

طائفة تقولك يا عم انت متحفظ اوى كده ليه
وناس تقولك ايه يا عم الحبيب

طب المفروض الواحد يتعامل ازاى


لتكن شخصيتك مرنة مع الجميع بشرط ان تكون ذو الوجه الواحد


الغاز .. مش كده؟؟

ودمتم سالمين
:)

لغينا الموضوع

نظرا لان كل واحد فيه اللى مكفيه

شكرا للى تعب نفسه وقرا او رد

هوس العيون



تسمعو عن الهوس

هوس المصارعة .. هوس عمليات التجميل .. هوس مش عارف ايه

اللى هو mania

الهوس يعنى ببساطة الاهتمام الزائد عن الحد بحاجة معينة

من انواع الهوس بردو هوس العيون
فى ناس فعلا عندها هوس للعيون

انا منهم تقريبا :D
بس الحالة عندى مش خطيرة يعنى
مش هوس اوى :D

بس حصل ادامى مواقف كتير فعلا حاجة غريبة

من فترة كده كنت فى مقلة
بتاعة اللب انا وواحد صاحبي
خارجين وبنشترى لب

الراجل عمال يعبي اللب فى البتاع ده
اللى هو قرطاس باين ولا مش عارف اسمه ايه :D

الراجل بقي عمال يعبي ع الفاضي
ومتنح فى عين الواد صاحبي
بقوله يا عم
يا عااااااام
ودا مش معايا ومتنح
قجأة بيقول للواد صاحبي ايه
يخررررب بيييت عييينك

صاحبي قاله الله يخرب بيتك
مش عايزين لب
يالا يا عم
ههههههههههههههههه

فكرنى باعلان روتانا سينيما
الراجل اللى فى القهوة عمال يصب الشاى على الفاضي
ومتنح فى التليفزيون

كنا بردو فى درس ايام الثانوى
المدرسة كانت بتقوله متقعدش ادامى
عشان تركز فى الشرح :D

مواقف كتير مش هحكى عنها


ايه بقي حكاية الهوس دا مش عارف

بس عن نفسي
لما بلاقى عين مختلفة عن المألوف
بتشدنى شخصيا
ولد او بنت :D

يعنى الديفولت ان العيون بتبقي سودا

فلما بشوف عين خضرا او زرقا او رمادي
احيانا العسلى

وفى عيون ليها الوان غريبة
متعرفش تديها لون معين

بتلاقي عيني راحت عليها على طول
اول حاجة بتلفت انتباهى فى اى شخص عينه

بيقولو ان لغة العيون دى لغة جامدة جدا
وفى ناس فعلا بتتفاهم بمجرد النظرات

غير ان التطور الطبيعي للحب بييجي من العيون بردو :D

ناس بتتخاصم بالعيون وتتصالح بالعيون
ناس بتتفق بنظرات العيون

موضوع كبير كبير كبير :D

بس بجد العيون عامل مهم جدا من عوامل جمال الملامح
يمكن اهمها من وجهة نظرى

مش هوجع دماغكو اكتر من كده

فوتكم بالهوس :D

م ب ر و ك


مبروك لكل حبايبي فى الزقازيق
وعقبال البكالريوس يا رب :)

بجد انا فرحان النهارده جدااا

Because you loved me


For all those times you stood by me
For all the truth that you made me see
For all the joy you brought to my life
For all the wrong that you made right
For every dream you made come true
For all the love I found in you
I'll be forever thankful baby
You're the one who held me up
Never let me fall
You're the one who saw me through through it all

You were my strength when I was weak
You were my voice when I couldn't speak
You were my eyes when I couldn't see
You saw the best there was in me
Lifted me up when I couldn't reach
You gave me faith 'coz you believed
I'm everything I am
Because you loved me

You gave me wings and made me fly
You touched my hand I could touch the sky
I lost my faith, you gave it back to me
You said no star was out of reach
You stood by me and I stood tall
I had your love I had it all
I'm grateful for each day you gave me
Maybe I don't know that much
But I know this much is true
I was blessed because I was loved by you

You were my strength when I was weak
You were my voice when I couldn't speak
You were my eyes when I couldn't see
You saw the best there was in me
Lifted me up when I couldn't reach
You gave me faith 'coz you believed
I'm everything I am
Because you loved me

You were always there for me
The tender wind that carried me
A light in the dark shining your love into my life
You've been my inspiration
Through the lies you were the truth
My world is a better place because of you

You were my strength when I was weak
You were my voice when I couldn't speak
You were my eyes when I couldn't see
You saw the best there was in me
Lifted me up when I couldn't reach
You gave me faith 'coz you believed
I'm everything I am
Because you loved me

I'm everything I am
Because you loved me


من العذاب ان تكتب لمن لا يقرالك
وان تنتظر من لا يأتى لك
وان تحب من لا يشعر بك
وان تحتاج لمن لا يحتاج لك

من المؤلم ان تحب بصدق
تخلص بصدق .. وتغفر بصدق
ثم تصدم فى النهاية بموت كل الصدق الذى قدمته
ثم تكتشف ان اجمل العمر كان سراباَ


موضوع كان فى بالى من فترة

عندنا مثل بيقولك:
نص العما ولا العما كله

انا عايز اعرف رأيكو فى المثل ده
وهل هو صالح لجميع تعاملات حياتنا

لما يكون عندك سماعة بمايك مثلا
والمايك يتكسر
تقول يالا مش مشكلة اشغل السماعة
اهو نص العما ولا العما كله

طيب تعالو ناخدها من ناحية تانية
لما تكون بتحب شخص اوى _ بأى صفة_
كـ أخ .. كـ حبيب .. كـ صديق
أيا كانت العلاقة

وفجأة تلاقي اختلاف فى المعاملة
بيحاول يبعد عنك
او بيحاول يقلل معاملته معاك
لو حبيبك يقولك خلينا اخوات
ولو معتبره اخوك يقولك خلينا صحاب

ممكن يكون كان بيحبك فعلا وانت بقيت متعلق بيه جدا
وفجاة الدنيا اتغيرت
مشاغله زادت مثلا
زهق منك وعنده رغبه فى التجديد مثلا
لقي الناس اللى ممكن يعوضوه عنك مثلا

وفجاة لقيت نفسك فى طابور بنى ادمين مستنى الحسنة اللى هتاخدها منه
رغم انه كان كل حياتك فى يوم من الايام
وكان هو طابور واحد مكون من شخص واحد هو الانسان ده
واى حد بيظهر تانى فى حياتك بتحطه فى طابور تانى خارج الحسبان

اكيد انت مش ملاك ولا انت معصوم من الغلط عشان هو يبقي كده من نفسه
بس اكيد زى مانت بتغلط هو بيغلط
واكيد طالما هو بيحبك هيسامحك وهيعديلك
زى مبيقولو حبيبك يبلعلك الظلط
سيبك من الظلط خليه بس يبلع موقف او 2

لنفترض انه مش قادر يبلعلك
وخلاص حطك فى كفة بكل حاجة عملتهاله
وحط غلطة منك فى الكفة التانية
رغم انها ممكن متكونش غلطة بالمعنى المقصود
وحتى لو غلطة
انت بلعت ادامها غلطااااات

سيبنا من الغلط دلوقتى
لنفترض ان الشخص دا مش عايزك فى حياته بس مش عارف يوصلهالك ازاى
وانت هتفهم طبعا
مسيرك هتفهم
وبدات تبعد انت كمان ودا الوضع الطبيعي

الغريب بقي انك تفاجأ ان الشخص دا بيدور عليك تانى
وعايز يضمك لممتلكاته تانى
بس المرادى بقي عايزك زى ما هو عايزك
بالصفة اللى تناسبه هو
واهو نص العما ولا العما كله

وانت طبعا اكيد هيكون عندك الحنين للشخص ده مهما كان عمل
بتلاقي نفسك بتتشدله غظب عنك
بس المرادى مش هترجع تلاقيه الشخص اللى عرفته
هترجع تلاقيه واحد عايش حياته على مزاجه
وعايز يعرفك على مزاجه بردو
ومعتقد ان مفهاش حاجة انك تتأقلم على الوضع ده


انت بقي يلى بتقرا دلوقتى
مستعد تحجز مكانك فى الطابور وتستنى دورك فى المعاملة؟؟
مستعد تتأقلم على وضع صعب عليك عشان مش قادر تتغلب على حنينك للشخص ده؟؟
واهو نص العما

ولا تقتل الحتة دى فى قلبك؟؟
ويبقي العما كله

يعنى هل ببساطه
موافق على اسلوب نص العما ولا العما كله؟؟

فوتكم بنص العما..


ساظل اكتب
رغم انف الحاقدين :P

همسة

يا جماعة همسة فى اذن كل المدونين

بجد والله انا بحبكو لله فى لله
ومش بقول الكلام ده من اى باب غير النصيحة

كنت عاوز اقول حاجة من فترة كده

بس كنت متردد مش عارف ليه

عموما انا هقول وخلاص

بالنسبة لموضوع الاغانى ده

عرفنا انه حرام طبعا

بس لان نفوسنا ضعيفة
فمعظمنا بيسمع
وانا اولكو

انا مش جاى اقولكو متسمعوش ولا اعمل شيخ وواعظ

بس جاى اكلمكو فى اضعف الايمان

يعنى بدل ما تاخد 5 او 6 ذنوب يوميا
خليهم ذنب واحد

وربنا يقدرنا على طاعته

يعنى مثلا اللى حاطط اغنية فى بلوجه يا ريت يشيلها
وخلى سماعها لنفسك انت على الاقل

عشان كل واحد هيخش يسمعها هتاخد انت ذنبه
يعنى بدل ما تشيل ذنبك وذنب اللى بيخش يسمع
كفاية ذنبك انت لوحدك
الحكاية مش ناقصة :D

غير انك مش هتستفيد حاجة لما تسمع اللى داخل

الناس اللى بتعمل كول تون على خطوط الموبايل
كل واحد هيتصل بيك ويسمع هتاخد ذنبه

وانت قاعد فى بيتكو بتسمع اغانى
وطى الصوت او اسمع من الهيدفون الصغير ده

لان كل واحد فى البيت بيسمع معاك هتاخد ذنبه


مش بقولكو انى متقي وعارف ربنا اكتر منكو
انا كنت اولكو فى الحاجات اللى قلتها دى
ويمكن اكتر واحد فيكو بيسمع اغانى

بس خلوها تيجي واحدة واحدة كده
امبارح كنت بتسمع وتسمع اللى حواليك
النهارده بتسمع لوحدك
بكره ربنا يقدرك ومتسمعش خالص

ربنا يوفقنا لما نحبه ويرضاه لنا


انا هقفل ردود الموضوع ده
مش عامله عشان حد يرد

اللى مزنوق فى رد اوى يرد فى الموضوع اللى قبله :D

كان ياما كان
يا سعد يا اكرام
ما يحلى الكلام
الا بذكر النبي عليه الصلاة والسلام
(عليه الصلاة والسلام)

يحكى ان كان فى ولد وكان ليه بلوج
دخل عالم التدوين بالصدفة
كان حب استطلاع
على غاية للمشاركة
على فضول اكتشاف اسرار المجال ده

واتحول بعد كده الى جزء من حياته
مجتمع زى البيت والشارع والجامعة والميل ماهما مجتمعات

شاف كتير وقليل
ولف على بلوجات كتير وشاف عقليات مختلفة
من خلال طريقة كل واحد فى تدوينه واختيار مواضيعه ومناقشته
وسلوكياته مع المدونين التانيين

اتعلم ان زى ما هو ليه حق يتكلم ويوصل فكرته ويعبر عن رأيه
وينتقد
انه بردويتقبل النقد بصدر رحب
وانه بردو يرد ع الناس كلها ويحترم كل واحد ايا كان سنة او مستواه
ويعامل كل شخصية بطريقة تسمح ليه بالمعاملة معاها
وفى حدود علاقته بيها ايا كانت قوية او ضعيفة
طالما فى حدود الاحترام والود المتبادل

وكون ان ليه اسلوب وطريقة معاملة وطباع خاصه بيه
دا المفروض ميأثرش على معاملته مع الناس
لان من حق كل واحد انه ميسمعش الكلام اللى يأزيه
او يلاقي تصرف هو مش حابه
وان هو مش مطالب انه يستحمل اسائة حد بداعى ان هو دا طبعه

ناس كتير واخده مفهوم البلوج غلط
المفروض مدونة يعنى للتدوين

كل واحد عنده مدونة خاصة بيه يبقي عشان يدون بنفسه
ولنفسه
دا اولا

ثانيا:
حتة ان فى تعليقات دى اوبشن
اختيار للزائر
ليه الحق انه يرد او لا
زى ما ليه الحق انه يعجب بالموضوع او ينتقده
طالما بردو فى حدود الالتزام

والمفروض ان واجبه هو كمدون انه يسمع من الناس كلها ويرد عليها ويناقشها
وانه طالما سمح بالتعليقات يبقي يسمع رأى كل واحد ويسيبه يقول رأيه
طالما فى حدود الالتزام (بقولها للمرة التالتة)

مش مستعد انك تعمل كده يبقي عندك خاصية الغاء التعليقات على الموضوع
الموضوع اللى مش عايز يسمع تعليقات من حد عليه يبقي يلغى الردود عليه
وكفى الله المؤمنين شر القتال

هو بقي عايز يكتب ايه دى متخصش اى حد
عايز يدون ايه دى بتاعته هو بس ومحدش ليه الحق انه يتدخل فيها
ممكن يبقي عند اى حد اقتراح او نصيحة يقولها
لكن المدون مش مجبر انه ينفذه
لان المدونة دى بتاعته هو
لوحده
يعنى احدى ممتلكاته الخاصة

دا مش منتدى عام عشان تلتزم بموضوعات معينة تتكلم فيها
ولا عشان تنتقي الموضوعات الهادفة
التى تعود بالنفع على سائر المجتمع

دى مدونة عشان يحط فيها احاسيسه
والحاجات الخاصة بيه
يعنى زى كشكول عنده

اما حتة ان الموضوعات هادفة دى ولا لا
يمكن تكون هادفة بالنسباله
يعنى ليها هدف معين بالنسباله
بس للى بيقرا ملهاش هدف
فـ دى مش مشكلة

هو مش مجبر انه يخلى لكل قارئ هدف من قرائته للموضوع
زى ما القارئ مش مجبر انه يقرا اللى مكتوب
او حتى يرد عليه

مع العلم ان اللى هيرد على عينه وراسه
واهلا وسهلا بيه
ويتعمله نسكافيه كمان :)

ونزل يابنى نسكافيه لكل واحد بيقرا دلوقتى :D

كمان هدية لاول تعليق :P

اقعدو بالعافية

رسائل أحدث رسائل أقدم الصفحة الرئيسية

Blogger Template by Blogcrowds