((لا تعليق))
كلمة رخمة اوى

كويس انى بتكلم فى وقت محدش رد فيه بالكلمة دى
عشان ميتقالش انى قاصد حد بعينه

انا بتكلم كلام عام اهو

وكنت عايز اتكلم فى الموضوع ده من زمان


بيتهيألى مهما كان الموضوع مستفذ مفيش سبب انك ترد تقول لا تعليق

لو معندكش تعليق اكتفي بالقراءة

لو عجبك الموضوع رد

معجبكش الموضوع انقد نقد بناء
قول اللى فى نفسك طالما بكل احترام
لتقل خيرا او لتصمت

لكن متقوليش لا تعليق

استفدت ايه انت كده
ولا زودت ايه للموضوع بالكلمة دى
ولا حتى وصلت ايه من اللى انت عايز تقوله
!!!

ولا حاجة

غير انها بتدى شكل وحش للموضوع وفيها نوع من الاحتقار
اينعم كل واحد وقصده

بس انا بفهمها كده


بكرر مرة كمان
مجاليش تعليق فى الوقت الحالى بالكلمة دى
عشان اكتب الموضوع ده

انا نقيت وقت محايد خالص

فـ يا ريت لو تكرمتو على الاقل محدش يرد بيها عندى :D

((اول تعليق))

موضوع اول تعليق دا بقي
الاقى واحد داخل يرد ويقول اول تعليق
يقوم رادد رد كمان

نفسي اعرف دا لزمته ايه؟؟

هيفرق ايه اول تعليق من اخر تعليق
مهى كلها تعليقات

واللى داخل يدعى
يااا رب يكون اول تعليق

ايه يا عم الحاج
عشان ايه يعنى

ويزعل لو لقي حد رد قبله
انا مش لاقيلها تفسير بصراحة

انت هتقود المسيرة مثلا لما ترد الاول ولا ايه؟؟
مش عارف

عموما لو حد عنده تفسير يقولنا
افادكم الله
فوتكم بلا تعليق



ماتت بمحراب عينيك ابتهالاتي
و استسلمت لرياح اليأس راياتي
جفت على بابك الموصود أزمنتي
ليلى .. و ما أثمرت شيئاً نداءاتي
عامان ما رف لي لحنٌ على وترٍ
و لا استفاقت على نورٍ سمواتي

أعتق الحب في قلبي و أعصره
فأرشف الهم في مغبر كاساتي

ممزقٌ أنا .. لا جاهُ و لا ترفٌ
يغريكِ في ... فخليني لأهاتي
لو تعصرين سنين العمر أكملها
لسال منها نزيفٌ من جراحاتي

لو كنتُ ذا ترفٍ ما كنت رافضة ً حبي
لكن عثر الحال
فقر الحال
ضعف الحال .. مأساتي

عانيتُ عانيت .. لا حزني أبوحُ بهِ
و لستِ تدرين شيئاً عن معاناتي
أمشي و أضحكُ .. يا ليلى .. مكابرة ً
علي أخبي عن الناس احتضاراتي

لا الناسُ تعرف ما أمري فتعذرني
ولا سبيلَ لديهم في مواساتي

يرسو بجفني حرمانٌ يمصُ دمي
و يستبيحُ إذا شاء ابتساماتي

معذورة ٌ أنتِ إن أجهضت لي أملي
لا الذنبُ ذنبُكِ .. بل كانتْ حماقاتي
* * *
أضعتُ في عرض الصحراءِ قافلتي
و جئتُ أبحثُ في عينيكِ عن ذاتي

و جئتُ أحضانكِ الخضراء منتشياً
كالطفلِ أحملُ أحلامي البريئاتِ

غرستِ كفكِ تجتثينَ أوردتي
و تسحقينَ بلا رفق ٍ مسراتي
وا غربتاه... واغربتاه

مضاعٌ هاجرت مدنيَ عني
و ما أبحرت منها شراعاتي

نفيتُ واستوطن الأغرابُ في بلدي
و دمروا كلَ أشيائي الحبيباتِ
خانتكِ عيناكِ في زيفٍ و في كذبٍ؟؟
أم غركِ البهرجُ الخدّااااااعُ ؟؟.. مولاتي
* * *
فراشة ٌ جئتُ ألقي كحلَ أجنحتي لديكِ
فاحترقت ظلماً جناحاتي

أصيح و السيف مزروعٌ بخاصرتي
و الغدرُ حطم آمالي العريضاتِ
و أنتِ أيضاً ألا تبت يداكِ
إذا آثرتِ قتليَ و استعذبتِ أناتي

ملي بحذف اسمكِ الشفاف من لغتي
إذاً ستمسي بلا ليلـــــــى حكاياتي...

فضفضة

:)

مش عارف أبدأ منين

عايز اتكلم فى شوية حاجات
ممكن تكون ملهاش علاقة ببعضها
أو يمكن يكون ليها...
مش عارف

أو احتمال تالت انها تكون ليها علاقة ببعضها بس من ناحية حالتى النفسية دلوقتى
ما علينا

اليومين دول وانا بلف فى البلوجات كده
معظم الناس حزينة وزعلانة ومكتئبة وكاتمة فى نفسها و و و
والمواضيع عن الصمت والفراق والبكاء والوحدة و و و

احنا جيل بيقولو انه مرفه
ومفيش جيل جه قبلنا بنفس الرفاهية دى

زى ما بنقول ان الجيل الصغير اللى جاى بعدنا هيبقي اكتر رفاهية
دلوقتى طفل صغير كده اد ركبتي تلاقيه عارف كمبيوتر
وعارف جيمز معقدة
وبيتعامل مع العاب فظيعة الجرافيكس بتاعها عالى جدا
حاجة فوق الوصف
فى حين ان انا لما كنت اده كده كان اقصى طموحى انى العب جيم ماريو بالاتارى :D
وما شاء الله الاطفال دلوقتى عليهم عقلية رهيبة ومحدش يقدر ينكر

زى بردو ما الجيل اللى هييجي بعدهم هيبقي عقلية احسن واللى بعدهم احسن وهكذا

اكيد دا نابع من التطور اللى عايشينه
الدنيا بتتقدم واحنا بنتقدم معاها

اينعم احنا ماشيين بخطى السلحفة
متشعلقين فى سبنسة القطر
بس ادينا بنواكب التطور
لو مش بالمشاركة يبقي بالفرجة

طيب خلينا فى الجيل بتاعنا
احنا بالنسبة للناس اللى اكبر مننا
اولياء امورنا مثلا
دكاترتنا فى الجامعة
مدرسينا فى المدارس .. اند سو اون

الناس الكبيرة عامة شايفين ان احنا تافهين وسطحيين وسزج
وكل تفكيرنا فى هيافات وكلام فارغ
ومفيش ورانا غير الموبايل والنت والخروج
والجامعة بالنسبالنا بقت فسحة و و
والى اخره من الاتهامات

بقالى فترة كده بفكر هل الناس دى عندها حق؟؟
بصراحة مش عارف

بس اللى اعرفه ان ربنا خلق كل انسان بقدرات
وعقليتي غير عقليتك
وعقليتي غير عقلية ابويا مثلا
وعقليتي غير عقلية المدرس بتاعى فى المدرسة
وهكذا...

>>هو مش ممكن انت تبقي قاعد فى البيت وتلاقي والدك اخد قرار معين
تقوله لا يا بابا احنا ممكن نعمل كذا هيبقي افضل
وفعلا تكون بتتكلم صح

>>تبقي قاعد فى المحاضرة مثلا وتلاقي الدكتور حل مسألة بطريقة
تقوله يا دكتور ماحنا ممكن نحلها بالطريقة الفلانية افضل
فى النتيجة او الخطوات

ممكن؟
اه وراد جدا وبتحصل

طيب ليه وصلنا للحال اللى احنا فيه ده
هل استهتار مننا؟؟
ممكن

هل لان كل واحد بقي بيكبر الجى ويروق الدى
وفكك منى بقي يا عم خليني اقعد العب شوية جيمز
ولا انزل اتمشي فى السلطان حسين؟؟
احتمال

ولا هل دا اعتماد مننا على الناس الكبيرة
بقيت قاعد فى بيتكو مستنى ابوك يجيبلك كل حاجة تطلبها
وانت بس تقول عايز وعايز
ولو مجابوش تقول مانتو اللى مجبتوليش؟؟
جايز

ولا دا ممكن يبقي تفسيره ايه بالظبط؟؟


بجد يا جماعة والله العظيم احنا جيل رائع
لـــــــــــــكن >> لو استخدمنا دماغنا صح

هما ليه بيقولو الرجالة ماتت فى الحرب
ليه سيد ابوحفيظة بقي يقول سيداتى سيداتى لان مبقاش فى رجااااالة :D

واحنا ردودنا تبقي:
ههههههههههههههههههههههه

نضحك

واحد بيهزقك وانت قاعد وانت تضحك وبؤك يجيب ودانك من هنا لهنا

مش هو دا رد الفعل؟
لو انا غلطان حد يقولى انت غلط

كل دا بيتحط تحت عنوان السلبية

السيد باراك اوباما
كان هنا وواقف بيخطب كل ما يبطل كلام عشان ياخد نفسه نسقف
بين كل جملة وجملة تسقيفة

واقطع دراعى لو كان نص اللى قاعدين فاهمين هو بيقول ايه
بس اهو هيص فى الزحمة

ونطلع فرحانين
دا راجل مثقف .. دا راجل متحضر .. دا راجل اتيكيت

الستات ماسكين فى دا هيجيبلنا حقوقنا
بيتكلم عن حقوق المرأة

الناس تقولك دا بيتكلم بالقران
دا راجل مثقف وبيتكلم فى كل المجالات

مهو لازم يا جدعان دا رئيس امريكا
عايزينه يبقي بياع فجل
لازم يبقي مثقف
وثقافته دى ليه ولبلده مش لينا

استخدامه الفاظ القران دى أداه عشان يكسب بيها تعاطف المسلمين ليس الا
كله كلام فى كلام والمحصلة صفر
كان اللى قبله عمل واللى قبله واللى قبله
الراجل اللى حاول يعمل حاجة اغتالوه

وهو نفسه باراك اوباما اتعرض لمحاولة اغتيال قبل كده قبل ما يعقل ويحط عقله فى راسه من وجهة نظرهم

ازاى احنا نستنى من واحد كافر يجيبلنا حقنا
محدش يقولى مسلم لانه مش مسلم
ولو مسلم يبقي بالكلام والورق دا لو لسه فى ورق
المسلم من سلم المسلمون من لسانه ويده

انا سمعت حديث للراجل ده بيتكلم فيه كلام فظيع
بوش بالنسباله رحمه

مشكلتنا ان احنا بنتخدع فى المظاهر
وبنمشي ورا اى حد يقول كلام معسول
محدش عايز يقتنع انها سياسات

يبقي ازاى نستنى من واحد كافر ييجي يعلمنا اصول التطور والنجاح واحنا فى ادينا منهج لو مشينا عليه نبقي اسياد الارض
والمثال موجود

احنا كنا بنحكم الاندلس اللى هى اسبانيا حاليا
وكنا منورين الشوارع فى حين كانت باريس عاصمة النور بلا نور

دا لما كنا بنحكمها بالمنهج الربانى مش بالديموقراطية وحقوق المرأة والكلام اللى مبيجيبش همه

تخلفنا كشعب من العالم التالت
وكجيل فى نظر اهالينا تافهين ملوش سبب غير لاننا بعدنا عن المنهج

كل منهجنا بقي صلاة وصوم وحج + ديموقراطية الفكر والتعبير عن الاراء واثبات الذات
والمحصلة ايه؟؟
صفر

لحد ما وصل بينا الحال اننا نقعد تحت رجل واحد كافر بيقول كلام معسول واحنا نسقف

ليه احنا منبدعش فى حياتنا ونبقي جيل يعرف يجيب حقه ويحقق اهدافه بنفسه
من غير ما نستنى واحد ييجي يحققهالنا دا لو حققها اصلا

ادينا شايفين اليابان وكوريا الشمالية
ظروفهم كانت زى الزفت
وقدرو فى فترة صغيرة اوى يعملو كل اللى هما عاوزينه

اليابان بقت الاولى فى العالم فى معظم المجالات

كوريا فيها نووى وامريكا متقدرش تعتب ناحيتها
عشان بقو بيعرفو يدافعو عن نفسهم ويجيبو حقوقهم باديهم

ايام السادات وبعد الناصر مكناش بنستنى نحرر ارضنا بقرار سياسي ولا بخطبه رئيس دوله عظمى
الناس اشتغلت وحاربت وعملت اللى هى عاوزاه بنفسها
وبقي الموضوع دا تراث محطوط فى مكتبة التاريخ

مبقالناش منه غير مقولة
معادش فى رجالة .. الرجالة ماتت فى الحرب

واحنا قاعدين هنا
شريط تامر نزل ولا لسه؟
شفت كليب مش عارف مين؟

مهو ليهم حق يقولو علينا كده
جيل تافه وسطحى وسازج

نيجي لموضوع ان كل واحد بقي شايف نفسه حزين دلوقتى
واللى بيجيله حاجة بسيطة كده يقولك انا تعبان

ويجري يعمل بوست فى البلوج بتاعه

لما تروح مستشفى كده بالصدفة وتخش قسم الطوارئ مثلا
وتشوف الحوادث اللى هناك والناس اللى متبهدلة

ولا تخش قسم الاورام او القلب اللهم احفظنا
وتتفرج على منظر الناس عامل ازاى

لو انت بتقول على نفسك تعبان هتطلع تاخدها جرى لحد بيتكو

دا لان ايه؟
قضا اخف من قضا

لما كل واحد دلوقتى تحصله مشكلة
شال مادة ولا زعل مع اللى بيحبه
ولا عمل مشكلة مع صاحبه
ييجي جرى يكتب بوست

وان هو اتعس مخلوق على وجه الارض
ويسود الدنيا فى وشه ووش اللى بيتعامل معاهم

مع انك لو شفت المشاكل بجد
ولما تحصلك كام حاجة ورا بعض كده
بدون ذكر امثلة
هتعرف الفرق بجد بقي
وتقول ان الناس دى كانت بتستهبل وانا اولهم
هما زعلانين على ايه
لان فعلا قضا اخف من قضا
ولما تشوف بلاوى الناس تهون عليك بلوتك

مش بقولك متحزنش
احزن وعيط واكتب
بس متخليش حزنك يغلبك

متخليش الحزن يمشي حياتك على مزاجه
لا مشي انت حياتك على مزاجك

اعمل لنفسك سيناريو وامشي عليه

مش لازم تنفذه 100% لا
حاول تنفذه على اد ما تقدر

انا بقول الكلام دا لنفسي قبل ما بقوله لحد
مش هقولكو بنفذه بحزافيره
بس بحاول

انا ايام الثانوى اه مكنتش بزاكر
كنت مثلا افضل الف طول النهار
العب كوره شوية
والعب بلاى ستيشن وبلياردو شوية

من الدرس ده على الدرس ده
وحياتى طول النهار برا البيت

اخش بيتنا اول حاجة افكر فيها الاكل :D
اكل واملا بطنى
ابدا افتكر بقي ان فى حاجة اسمها مزاكرة
دا لما تلاقي الساعة بقت 1 صباحا كده
طبعا امى بتبقي هتتجنن
يابنى زاكر
يا حبيبي شوف مصلحتك
ولا حيات لمن تنادى
مش هقولك دى ثقة بالنفس اكتر ما كانت استهتار

كنت اجى الساعة 1 مثلا
اقول انا الماكسيمام بتاعى النهارده لحد 3 لان عندى درس الصبح
طيب يعنى حدودى ساعتين دول اقسمهم ساعة فيزيا وساعة الا ربع رياضة و5 دقايق عربي و5 دقايق انجليزي :D
اينعم دا استهبال
بس اهو كان برنامج الواحد بيمشي عليه
وفى الاخر بيعمل حاجة من اللى هو عايزه

دلوقتى بقي استهتار مفيش بعد كده
الاستهتار عندى بقى بكميات ممكن تتصدر للخارج
يبقي عندى امتحان فاينال بكرة
والمادة لسه مفتحتهاش
وقاعد ع النت
اجى الساعة 2 بالليل الاقي نفسي تعبان
اقوم اقول ايه انام ساعتين كده لحد الفجر واقوم ازاكر
يا خبر ابيض يا جدعان
المنبه يضرب الفجر اقول كمان نص ساعة
ونص فى نص اقوم الساعة 6
على ماصلى الفجر واعمل كوباية نسكافيه
واقعد ازاكرلى ساعتين مثلا
يكون معاد الامتحان جه
والساعتين دول مش عشان انا محددهم ساعتين
لا دا عشان زنقة الامتحان بس ومفيش وقت ازاكر
دا طبعا لان مفيش برنامج محدده لنفسي امشي عليه
والنتيجة زفت

مش عارف انا كتبت البوست دا ليه
او ايه السبب منه

بس هو كان مخزون كلام عندى وعايز اطلعه
يمكن لانى مريت بفترة اتجمع فيا كذا مشكلة فى حياتى فى وقت واحد

زى مثلا لما يكون واحد قوى قابل حد عايز يتخانق معاه
هيمسكه يضربه لانه قوى
وقدر يغلب اللى جايله ده

لكن تعالى يوم تانى كده
نفس الشخص القوى ده قابل مثلا 5 من عينة اللى ضربه قبل كده
اكيد هما اللى هيضربوه
لان هما 5 ومهما كان قوى مش هيقدر يتغلب عليهم
دا اللى اسمه الكترة تغلب الشجاعة

هو دا الحال بالظبط فى المشاكل
الانسان لو قابل مشكلة واحدة ممكن بالعزيمة يقدر يتغلب عليها وبتعدى
لكن لما تقابل كذا مشكلة فى وقت واحد كل مشكلة بتضربك فى حتة
لحد ما تلاقي نفسك وقعت ومش قادر تقاوم
هنا بقي بقي لا حول لك ولا قوة
الا بالله سبحانه وتعالى

عشان كده ساعتها مش هينقذك غير قولة يا رب

اتكلمت كتير اوى اوى
وعارف ان مفيش حد ملزم انه يقرا الكلام دا كله
ولا فى حد ملزم انه يرد عليه بردو

زى مانا مش ملزم انى احدد ايه هدفى منه بردو :D

بس اهو
مجرد فضفضة

:)

Sad

حقا .. المصائب لا تأتى فرادى

مخى واقف .. لاجل غير مسمي


لست قلبي


انت قلبي فلا تخف .... وأجب : هل تحبهـــــــــا؟
والى الآن لم يزل نابضاً فيك حبـــهــــــــــــــا؟
لست قلبي انا اذن .. انما انت قلبهــــــــــــــــا

كيف يا قلبُ ترتضي طعنة الغدرِ في خشــوع
وتداري جحودها في رداءٍ من الدمـــــــــوع
لست قلبي وإنما خنجرٌ أنتَ في الضلـــــــوع

أوتدري بما جرى .. أوتدري دمي جـــــــرى
أخذت يقظتي ولم تعطني هدأة الكـــــــــــرى
جذبتني من الذرى .. ورمتبي الى الثـــــــرى

قدرٌ احمق الخطى .. سحقت هامتي خطــــــــاه
دمعتي ذاب جفنها .. بسمتي مالها شفــــــــــاه
صحوة الموت ما أرى؟ .. أم أرى غفوة الحيــاة؟

أنا في الظل اصطلي لفحة النار والهجيـــــــر
وضميري يشدني لهوىً ما له ضميـــــــــــــر
وإلى اين؟ .. فـ أنا اجهل المصيـــــــــــــــــــر

دمرتني .. لأنني .. كنت يوما .. أحبـــهــــــــــــا

والى الآن لم يزل نابضاً فيك حبهــــــــــــــــا

لست قلبي انا اذن .. انما انت قلبهــــــــــــــــــا

********

:))



2albak gemed













قلبك جمد .. شوقك برد
خليت جناح قلبي انكسر من قبل حتى ما ينفرد

فين لهفتك .. يا قوتك .. يا ريت لقانا دا ما انكتب ولا كان هوانا دا اتولد

جايلك بشوق مفيش قلوب تتحمله .. فاكر يا دوب مشوارنا لسه فى اوله .. قلت الطريق لو كان فى ايه هنكمله
معرفش انى .. بقيت كأنى .. من جوا منك بنطرد
قلبك جمد

قلبك جمد .. شوقك برد
خليت جناح قلبي انكسر من قبل حتى ما ينفرد
فين لهفتك .. يا قوتك .. يا ريت لقانا دا ما انكتب ولا كان هوانا دا اتولد

جاى اسير لعنيك ومسلم .. قلبي هينطق قبل عنيا ويقولك فى البعد احتار
لسه بمد الايد وبسلم .. فجأة لقيت ايدك فى اديا زى التلج فى وسط النار
والبرد كمل رحلته لكل العروق

جايلك بشوق مفيش قلوب تتحمله .. فاكر يا دوب مشوارنا لسه فى اوله .. قلت الطريق لو كان فى ايه هنكمله
معرفش انى .. بقيت كأنى .. من جوا منك بنطرد
قلبك جمد
===============
===========
======
===
==
=

بقينا فى زمن الانفتاح
نعيش فى بلد ديموقراطية .. من حق كل واحد التعبير عن رأيه

جميل اوى

//من حق كل واحد التعبير عن رأيه//

من المنطلق ده عايزين نتكلم شوية
نصحح بعض المفاهيم
نوضح حتة صغيرة قد تكون غائبة عن ناس كتير

>>هو اى حاجة فى الدنيا كده الواحد يعبر عن رأيه فيها؟؟
هتقولى اه
كل حاجة فى الدنيا بتتاخد بالعقل

هنا اقولك استوب
دنيتك لك ان تتحكم فيها كيفما شئت
لكن دينك ملكش حق انك تشكله على مزاجك

>>فى ناس تقولك ايه
يا عمى هو ربنا عرفوه بايه
تقولى بالعقل

هنا بردو اقولك استوب
هو انت عقلك ده اد ايه عشان تتطاول على خالقك وتقولى انا عارف ربنا بالعقل؟؟

>>يا جماعة الدين لا يؤخذ بالعقول
لان اللى يحكم بيه عقلك قد يختلف عليه عقلى
واللى يقبله عقلي ممكن يرده عقلك
وبقي الدين لعبة بين البشر
انا اتفق وانت تختلف
وواحد تالت يطلع برأى كمان
يا جماعة غلط
والله العظيم غلط

>>الدين مفهوش على ما اعتقد ودا رأيي
الدين يعنى القران بيقول كذا والحديث بيقول كذا
يأما تقول الله اعلم

دين يعنى حجر اساس
لو ماتحطش صح كل حاجة هتتهد فوق راسك

>>فرق كبير بين علماء الدين والعقلانيين
العقلانيين بيعتمدو فى فتوتهم على العقل فقط
العلماء بيعتمدو على منهج ثم على عقل بردو
الناس دى مش مجرد حفيظة وبيصمو اللى بيحفظوه

دا اللى بتلاقيه اختلاف شرح بين عالم وعالم
او اختلاف تفسير بين شيخ وشيخ

>>عارفين ان اختلاف العلماء رحمة للعباد
بس لاحظ انه اختلاف العلماء وليس اختلاف العقلانيين
اختلاف العقلانيين بيوديك على طريق من الشكوك والطرق الفرعية

>>دلوقتى تلاقي كل واحد طالع برأى وفكر
ودا يعيب فى شيخ ودا يحاول يغلط شيخ
واحد جايب قضية وداير ع الفضائيات عشان يجمع اكبر عدد من الاراء
ويتتبع فى ذلات ده ويحاول يوقع دا فى الغلط
عشان فى الاخر يوصل لرأى هو عايزه ويختار الفتوى اللى تناسبه

يا جماعة والله ما ودانا فى داهية الا الفتاوى اللى كل واحد قاعد يطلعها وهو قاعد فى بيتهم فى ساعة صفا
ويقولك احنا بنعمل على تطهير العقول

>>الاندراج ورا العقلانية فى الدين بيؤدى لضلال
لان فى حاجات كتير لا يتحملها العقل البشرى
ودا نتيجته يا جنون يأما الحاد
حتى لو فى امر بسيط هيعمل تشتيت للناس

فى حاجات كتير اكبر من انك تجيبلها حل بعقلك

>>الاسلام مناهج
كتاب سماوى اللى هو قران كريم
واحاديث شريفة من سيدنا محمد عليه الصلاة والسلام
وشوية المعاملة اللى اتعلمناهم من السلف بردو
وبنقيس عليهم حياتنا فى ظل التطور اللى بنعيشه

>>مبقولش ان كل حاجة معملهاش سيدنا محمد حرام
الاساس فى التحليل والتحريم هو التحليل
كل الامور حلال ما لم يثبت العكس
بس دا فى الامور البسيطة مش اللى بتحتاج لفتوى

>>يبقي نسمع من الناس اللى دارسه وفاهمة عشان هما دول اللى هيعرفونا ديننا بجد
ربنا بيقول (انما يخشي الله من عباده العلماء) صدق الله العظيم
اكتر ناس بتخاف ربنا هما العلماء
مقالش العقلانيين ولا المفكرين ولا حتى قال العابدين
يبقي الناس دى تستحق منا كل احترام وتقدير وكلامهم يتاخد خط سير لينا
وللعلم
الغلط فى العلماء ضلال
فى ناس بتقول دول رجعيين وطول ماحنا وراهم هنفضل متخلفين
يا عم الناس طلعت القمر واحنا لسه بندور على اخش الحمام برجلى اليمين ولا الشمال
دا والله ضلال
انت لو معرفتش دينك كويس عمرك ما هتتقدم خطوة فى حياتك

كمان الاختلاف على العلماء ضلال
>>الا بالدليل

>>الكلام ده مش معناه الارهاب الفكرى
ولا ان مفيش حد يقف ادام العلماء
لا
اقف وناقش بس بالدليل والاثبات
مش بطول اللسان والفلسفة الكدابة

من قال لا اعلم فقد افتى
لما تقول مش عارف احسن ما تقول اعتقد
ارجوكم اتفلسفو فى اى حاجة الا الدين
الفساد كتر وبقينا فى عداد الاموات على قيد الحياه

محدش هيقلل من شأنك ولا هيعيبك بحاجة لما تقول الله اعلم

>>ربنا خلق الانسان وكرمه عن بقية المخلوقات بالعقل
بس اداله العقل عشان يفرق بيه بين الحق والباطل
ويطيع اوامر ربه ويمشي على منهجه الصحيح
مش عشان يخلق احزاب ويعمل من كل موضوع مليون اتجاه
ويعمل لبث بين الناس نتيجته تضليل لناس من نفس الدين

>>ناس بتدى امثلة بمصطفى حسنى وعمر خالد و و و
الناس دى ما هى الا تلاااميذ للشيوخ الكبار
وكلامهم بردو بناءا على دراسة وعلم
مش بتكوين عقلي ولا اراء وافكار

ــ نرجع بقي ورا شوية

ربنا عرفوه بأيه؟
عرفوه بالكتب السماوية والرسل والانبياء
مش بالعقل

يبقي مش كل حاجة فيها دا رأيي وعلى ما اعتقد وبيتهيألى

>>الدين يسر؟
اه يسر
بس مش بدائل

يسر فى التعامل والمحاسبة
وليس التهاون والاختيار من بين الافكار والاراء
مش اعمل دا أو ده
ولا ده مسلم بيه عندك وعندى لا
وعند واحد تالت حاجة غيرنا احنا الاتنين

>>مش عيب ان حد يغلط
بس العيب انه يصر على الغلط

الشاطر مش اللى يمشي ورا رأى ويتشبث بيه ويدافع عنه حتى لو غلط
الشاطر اللى لما يعرف انه غلط يقول انا اخطئت فى الحتة الفلانية وتصحيحها كذا
مفيش انسان معصوم من الخطأ

العند فى الدين وحش
العند بيورث الكفر

.......
كلام كتير اوى كان فى دماغى من كام يوم
حاجات كتير طارت منى ... مش مشكلة
بس اتمنى ان تكون الفكرة وصلت

ملحوظة: الموضوع ده مش بناءا على كلام من دماغى بس
دا بناءا على درسين
واحد للشيخ محمد حسان وواحد للداعية مصطفى حسني
كونت منهم الكلام اللى بقوله ده

واحد بيقولى ايش لم الشامى ع المغربي
شامى ومغربي بس الاتنين مصادرهم واحدة

مش معنى انك بتسمع لشيوخ زى محمد حسان يبقي متسمعش لدعاه صغيرين
الدعاه الصغيرين اقرب لينا فى الحياه
لامسين الواقع وبيترجمولنا المنهج بطريقة نفهمها ونقدر ننفذها
بمعنى اصح adapter
:D

هختم بردو بحديث شريف انا بشوف انه اجمال لكل كلام ممكن يتقال فى الموضوع ده
(تركت فيكم ما ان تمسكتم به لن تضلو بعدى ابدا ... كتاب الله وسنتى)
صحيح الاسناد

اللهم ارنا الحق حقا وارزقنا اتباعه
وارنا الباطل باطلا وارزقنا اجتنابه

0900
















نرجع لعجائب كليتنا الجميلة
ال ايه ياخويا
وال ايه ياختى
خير اللهم اجعله خير
احنا مستنيين النتيجة

كده مش بدرى ولا حاجة
دى كده اتأخرت

احنا اصلا اسرع كنترول فى مصر
النتيجة بعد 72 ساعة من اخر امتحان

بس دا كان السنين اللى فاتت
كنا نخلص مثلا الخميس
تتعلق الاتنين اللى بعده فى الكلية

السنادى بقي قالك ايه
عايز النتيجة اتصل برقم 0900 مش عارف كام
نعم!!؟؟
ايوة اتصل برقم 0900 مش عارف كام
ازاى يا عم الكلام ده
هى مسابقة
قالك هو كده

ولو مش عاجبك اتصل بـ 1170 باين
من موبايلك
ازاى يا ناس الكلام ده

قالك هو كده
دى سياسة الكلية
وهما عارفين مصلحتنا فين

بسم الله ما شاء الله
بيتاجرو فى النتيجة
قالك نعمل سبوبة من الطلبة الغلابة
اللى مستعجلين على النتيجة
اتصل و كع :D
وتتصل وتنام جنب التليفون بقي
واهى سبوبة بتطلع للكلية

فيها ايه يعنى لما نأخر النتيجة 3 او 4 ايام
ونعمل مصلحة حلوة من الحكاية دى :D

يا نهار الوااان
حتى النتيجة يا جدعان !!
اتصل وسجل
واستنى رسالة ومش عارف ايه
يا ولاد الايه يا لذينة

طب وحيااااااااااات .... مانا متصل
وهستناها لما تتعلق فى الكلية

مش عشان انا مش هاممنى ولا عشان استخسار
بس عشان مبحبش اسلوب لوى الدراع

وبعدين هى النتيجة هتروح فين يعنى
هتيجي هتيجي

ال 0900 ال













مش عارف
حاسس انه وباء وانتشر

او احساس وداير ع البلوجات كلها

موضوع الصمت ده

وكأنه الهدوء الذى يسبق العاصفة
شوية وهنلاقي الناس كلها انفجرت :D

احنا قلنا ان الصمت ابلغ لغات الكلام

بس فى وقته
احيانا كتير بيبقي تأثيره سلبي على البني ادم

الصمت ليه درجة ممكن الانسان ميستحملهاش

لان الصمت فى نفس الوقت كبت

احيانا بيبقي ليك حاجة للكلام
وبتخبيها فى الصمت
ودى سلبية

والطاقة دى ممكن بدل ما تطلعها فى الكلام
تطلعها فى كبت وتعب بدل ما يبقي راحة ليك

الصمت ليه اوقات

الخلاصة
الصمت ابلغ لغات الكلام
>> لمن يجيده
:-$


الفراق ...
حزن كلهيب الشمس يبخر الذكريات من القلب ليسمو بها الى عليائها فتجيبه العيون بنثر مائها .. لتطفيء لهيب الذكريات .

الفراق ...
نار ليس للهبها حدود .. لايحسه إلا من اكتوى بناره..

الفراق ...
لسانه الدموع .. وحديثه الصمت .. ونظره يجوب السماء ..

الفراق ...
هو القاتل الصامت .. والقاهر المييت .. والجرح الذي لا يبرأ .. والداء الحامل لدوائه ..

الفراق ...
كا الحب تعجز الحروف عن وصفه وإن أبينى تفرقا..

الفراق ...
كالعين الجاريه التي بعد ما أخضر محيطها نضبت ...

عند الفراق ...
إجعل لعينيك الكلام فسيقرأ من احبك سوادها .. وإجعل وداعك لوحة من المشاعر يستميت الفنانون لرسمها ولايستطيعون ... فهذا أخر ما سيسجله الزمن في رصيدكما ..

وبعد الفراق ...
.لا تنتظر بزوغ القمر لتشكوا له الم البُعاد .. لانه سيغيب ليرمي ما حمله ويعود لنا قمراً جديد ..

ولا تقف امام البحر لتهيج امواجه وتزيد على مائه من دموعك لانه سيرمي بهمك في قاع ليس له قرار ويعود لنا بحر هادئ من جديد ..

وهذه هي الدنيا ..
...... يوم تحملك ويوم تحملها .......


وانت ..
ماذا عنك انت لم تحمل الايام كلها ..

لم تقف مكانك بلا حراك تندب الاطلال و تبللك الدموع وتتقاذفك الآلآم ويأكل منك الندم وتضرب الاكف بلحن الاهات على مافات ..

فهل ستعيد ماكان

.. لا ..

إنك لن ترد النهر الى مصبه .. والشمس الى مطلعها ...

بل ستكون كمن يطحن الطحين وهو مطحون .. وينشر نشارة الخشب ...

و ستردد كان يا ما كان .. ..

لم لاترخي ستارالامل.. وتودع الماضي بلا أمل للعوده ..

لم لا تكون كالقمر او مثل البحر .. تلقي بهمك لاتلقي له بالاً ..

فتعود لترى كيف تعزف الايام لحنها على نغمات مستقبلاً واعد .... فإن كنت فارقت حبيباً لاتظن انه سيعوض ..

فالكل يرى حبيبه مثل ما أنت تراه ..

فالدنيا وإن خلت من الاحباب بعينك..

فهي بالبصيرة مليئه ..

فبحث مثل بحثك مسبقاً وستجد من يوازي حبيبك اويربوا عليه .. فلا تقف عند حداً والحياة بلا حدود ..

الكل يسعى وانت مكبلاً نفسك بالقيود ..

فتسعد غيرك وانت شاقي وتضحك من حولك وانت باكي ..

فتكون ممن قال فيهم الشاعر :
وأسعدت الكثير وانت تشقى ,, وأضحكت الانام وانت تبكي

فإذا اصبحت عش تحت شمس يومك ولا تلتفت لأمسك لأنه قد خيم عليه الظلام ..

وفكر بيومك وغدك ..

وإذا امسيت عش تحت ضوء قمر ليلتك ولا تلتفت لشمس نهارك لانها رحلت وحل محلها الظلام
.
منقول طبعا :P

أنا


بااااااااااااك

بقالى كام يوم كده كلوزد
بس فى الخباثة :D

مش خباثة طبعا بس مفيش فرصة يعنى
ما علينا

فى حبة مصطلحات كده بنسمعها
وبنكررها واحنا منعرفش معناها ايه
وايه الفايدة منها ولا ايه الضرر

يعنى تلاقى مثلا حد يقولك ايه "اعوذ بالله من كلمة انا"
ليه يا عم الحاج
اعوذ بالله ليه يعنى
انت شفت شيطان ولا قلت كلمة قبيحة

انا دى كلمة من اللغة العربية - ضمير متكلم - ولا عيب ولا حرام

طالما كان استعمال كلمة انا فى غير الكبر والفخر يبقي مفهاش اى مشكلة

وبدل منا نستعيذ بالله من كلمة انا
نستعيذ به من شرور انفسنا وسيئات اعمالنا

المصدر: http://www.sunna.info/Lessons/islam_772.html

=========================


حاجة كمان:
فى ناس بتقول "اللهم انى لا اسألك رد القضاء ولكنى اسألك اللطف فيه"

اولا دعاء محرم لانه لا يجوز الدعاء برد القضاء او حتى تخفيفه

ثانيا ليه اسأل اللطف طالما ممكن الصرف والعفو
ربنا كبير يا جماعة وبيستجيب للمضطر اذا دعاه

يعنى ممكن تقول "اللهم قنا واصرف عنا شر ما قضيت"

يعنى بدل ما نسأل اللطف نسأل الوقاية
الطمع فى الدين مش وحش
وليس الطمع فى الدنيا

المصدر: http://www.twbh.com/articles.php?ID=5225
دى حاجات كتير >>قل ولا تقل

===============================

رسائل أحدث رسائل أقدم الصفحة الرئيسية

Blogger Template by Blogcrowds