0900
















نرجع لعجائب كليتنا الجميلة
ال ايه ياخويا
وال ايه ياختى
خير اللهم اجعله خير
احنا مستنيين النتيجة

كده مش بدرى ولا حاجة
دى كده اتأخرت

احنا اصلا اسرع كنترول فى مصر
النتيجة بعد 72 ساعة من اخر امتحان

بس دا كان السنين اللى فاتت
كنا نخلص مثلا الخميس
تتعلق الاتنين اللى بعده فى الكلية

السنادى بقي قالك ايه
عايز النتيجة اتصل برقم 0900 مش عارف كام
نعم!!؟؟
ايوة اتصل برقم 0900 مش عارف كام
ازاى يا عم الكلام ده
هى مسابقة
قالك هو كده

ولو مش عاجبك اتصل بـ 1170 باين
من موبايلك
ازاى يا ناس الكلام ده

قالك هو كده
دى سياسة الكلية
وهما عارفين مصلحتنا فين

بسم الله ما شاء الله
بيتاجرو فى النتيجة
قالك نعمل سبوبة من الطلبة الغلابة
اللى مستعجلين على النتيجة
اتصل و كع :D
وتتصل وتنام جنب التليفون بقي
واهى سبوبة بتطلع للكلية

فيها ايه يعنى لما نأخر النتيجة 3 او 4 ايام
ونعمل مصلحة حلوة من الحكاية دى :D

يا نهار الوااان
حتى النتيجة يا جدعان !!
اتصل وسجل
واستنى رسالة ومش عارف ايه
يا ولاد الايه يا لذينة

طب وحيااااااااااات .... مانا متصل
وهستناها لما تتعلق فى الكلية

مش عشان انا مش هاممنى ولا عشان استخسار
بس عشان مبحبش اسلوب لوى الدراع

وبعدين هى النتيجة هتروح فين يعنى
هتيجي هتيجي

ال 0900 ال

23 Comments:

  1. عايدة مفيش فايدة said...
    قلنا محدش يتصل الترم الاول
    بس مفيش فايدة
    فى ناس مستعجلة

    وقلنا منعبرهمش
    بس مفيش فايدة
    الناس هتموت ع النتيجة

    وقلنالك غير التيمبليت ده بقي
    بس بردو مفيش فايدة

    هههههههههههههههه
    !! a7mad sala7 !! said...
    ههههههههههههههههههههههههههههههههه

    المرة اللى فاتت حامد مفيش فكة
    المرادى عايدة مفيش فايدة

    دانا مستضيف ابطال مسابقة كورمبو بقي :D

    عموما مفيش فايدة فعلا

    منورانا يا عايدة :D
    ShiMOo said...
    امممممممم قلتلي بقى اتصل على 0900 كام ؟؟
    D:
    !! a7mad sala7 !! said...
    هههههههههههههههههه

    لو عايزة تعرفى هقولك

    بس مش عايز استغل البلوج بتاعى
    واعمل اعلانات :P
    Bola 7elmi said...
    هههههههههههههههههههههههههههه
    ههههههههههههههههههههههههههههههههه
    e_emy said...
    هههههههههههههه

    يلا معلش

    بالتوفيق ان شاء الله (:
    ღ tota ღ said...
    ماشاء الله
    ايه النتيجه اللي بسرعه دي..

    ربنا معاك :)
    صاحب رأى said...
    على فكره يا ابو حميد
    فى المنصوره وفى معظم الجامعات المحترمه لازم يتاجروا بالنتيجه
    وكمان مش بيعلقوها فى الكليه خالص
    عايز النتيجه ادخل برقم كودى تقريبا بجنيه او 2
    على موقع الجامعه ومنه للكليه بتاعتك وتعرف نتيجتك منه

    من الآخر عايز اقول احمد ربنا انهم هيعرضوا النتيجه فى الكليه ومش قالك التليفون وبس .
    Boba said...
    اتصل بـ0900 0900
    تنجح في مادتين وعليهم مادة هدية
    هههههههههههه
    .
    .
    .
    ربنا يعديها لكو على خير
    ويطمنكوا
    يفرح قلب كل واحد باللي يتمناه
    واللي يدخل بيه الفرحة على عيون اهله
    :)
    Maryama Qandil said...
    يا نهاار...:D

    اتصل بكذا وكمان كذا
    يعني عاملين رقمين

    ما هم خلاص ملوا من ماجنية التعليم قالوا يتسفيدوا شويتين

    زي عندنا في الكلية في السمر كورس بيلموا اكتر من فلوس المصاريف وناااس بتسجل ومن غير رحمة اذا كان هيأثر او لاء على الترم الي بعده وفي الاخر يا تنجح يا متنجحش

    المهم ربنا يكرمك في النتيجة ان شاء الله وتعدي صاافي بالنجاح والتوفيق ان شاء الله
    halaS demahoM said...
    0900
    طب واللي هيطلع الاول ليه جايزة ولا ايه؟

    والنبي حلوة الفكره
    دا انت معملتهاش في الثانويه العامه
    !! a7mad sala7 !! said...
    Bola 7elmi


    :D

    اعلى
    اعلى

    على الرتم شوية

    :D
    !! a7mad sala7 !! said...
    e_emy


    يا رب
    كلنا
    !! a7mad sala7 !! said...
    ღ tota ღ

    اه امال ايه

    مهو دا اللى احنا فالحين فيه
    :D
    !! a7mad sala7 !! said...
    Heshmat

    يا باشا

    الجامعات المحترمة على اساس ايه يعنى

    ولما هو دا النظام المظبوط مش بيتطبق فى بقية الجامعات ليه

    يا عزيزي دا استغلال

    لو بتنزل على موقع الجامعة ماشي

    كنا قلنا دا شكل حضارى حلو

    لكن تخليها على خط وسط المسابقات والنكت والمش عارف ايه

    اظن شكلها وحش
    !! a7mad sala7 !! said...
    Boba

    ههههههه


    اااامين يا رب
    !! a7mad sala7 !! said...
    Rooma Qandil

    ااااه امال ايه

    ربنا يستر علينا
    !! a7mad sala7 !! said...
    mo7mad sala7 3rafa

    ههههههههههههههههههههههه

    الناس دى متعرفناش ولا ايه يا عم الحاج
    The illusionist said...
    ههههههههههه
    فل يا ابو صلاح
    تتصلوا بزيرو تسعميه
    ناقص يطلعوا طالبه تعلن عن كده زى الاعلانات
    احنا عندنا احسن منكم
    تدفع المصاريف ولما تيجى تجيب النتيجه
    تدفعها تانى
    وسلامو عليكوا صحيح
    !! a7mad sala7 !! said...
    The Illusionist


    :D

    كل شيخ وليه طريقة

    سيبك انت
    منور يا باشا
    فى الفرست فيزيت ;;)
    The illusionist said...
    ههههههههههههههه
    يا نورى ماشى يا كبير
    ان شاء الله مش الاخيره
    ЯậŇ MỗŘỹ said...
    ههههههههههههه
    ناس تطلع نتيجتهم
    و ناس غلابه (اللى هم احنا) لسه بنمتحن

    انا مش بحقد و لا حاجه
    ربنا يتولانا جميعا برحمته
    !! a7mad sala7 !! said...
    روح بلا فرح


    هههههههههههههههه
    القر بقي هيشتغل
    مهو دا اللى جايبكو ورا

    لو كل واحد يخليه فى حاله
    الدنيا هتمشي حلوة
    :D


    ان شاء الله خير عليكم وعلينا
    متحطوش فى دماغكو بس

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds