opened 4 exams




على فكرة
احسن من على سهوة :P

يا صباح الرخامة :D

عنوان البوست ده ردا على كام واحد كده
وانا كنت منهم فى يوم من الايام
كل واحد عنده كام يوم امتحانات يقولك ايه
closed for exams
اهلا وسهلا يا سيدي
وانا احمد صلاح _تشرفنا_

ايه كلوزد يعنى
انت دكان ومنزلين درفك ولا ايه
وانت فكرك ان طول ما فى امتحانات وانت قاعد هنا بلوجك دا كلوزد؟؟
ابدا
بيبقى عندك فضول تتفرج اكتر من الايام العادية

يا سادة
احسن من يا كاروه
واحسن من ع الريحة بردو :P
مش بقولكو صباح الرخامة
ما علينا

يا سيد انت وهو وهى اللى عايز يقفل بلوجه ويزاكر بيعملها من سكات
مش لازم يخش يعلق يافطة

المهم

انه فى تمام الساعة السادسة والنصف صباحا
الخميس 14 مايو
من موقعى هذا عندى النهارده امتحان اقتصاديات عملى وشفوى

اللى اهم من المهم

ال ايه ياخويا
وال ايه ياختى
بعيد عن السامعين الترم ده بيقولك هنمتحن العملى عملى
هتقولى يعنى ايه

هقولك يعنى جالنا لجنة الترم الاول
دخلو فى امتحان عملى لقو الناس بتمتحن فى ورقة
وبيقولو دا عملى
طبعا اعترضو ع النظام وقالو ان لازم نمتحن عملى عملى
اللى المفروض زى الناس يعنى

فقررو نمتحن الترم ده عملى

طب ازاااااااى

الكلية معدمة يا جدعان
لا فيها سوفت وير
ولا فيها اجهزة

وادى مثال












طب والنبي دا منظر جهاز نتعلم عليه حاجة
اجهزة من اللى بتشتغل بالفحم
دا بكتيره نلعب بيه اتارى ابو فتيس ده

كيسة شبه الكرومبة
وشاشة موبايل دى باين

جايبين لنا ازازة وكوباية ويقولك جهاز ;))

ومع ذلك ماعترضناش والله
بس كله بالعقل بقي

وان كان حبيبك عسل
اقفل عليه عشان ميلمش الدبان

بلاش نضحك على نفسنا للدرجادى

لان من البديهي اننا مستحيل نمتحن عملى فى الكلية دى
ولا حتى نطبق حاجة بنتعلمها

بس انه الروتين يا سيد
ولا تجادل ولا تناقش يا اخ

وطبعا روحنا نمتحن
وتتفرج ع المنظر بقي

بجد حاجة تضحك وتكسف فى نفس الوقت

كل واحد قاعد ادام جهاز وهو مقفول
والدكتور بيسال شفوى بردو

بس الاسم انه عملى وخلاص

يعنى اصلا ممكن تبقي واقف فى الشارع ويسالك السؤال الشفوى ويديك درجتك بردو

بس هو كده بقي عملى

اقول ايه بس

حسبي الله ونعم الوكيل

فوتكم بالامتحانات ;;)

22 Comments:

  1. e_emy said...
    ههههههههههه

    هى دى حاسبات ف كل مكان D:

    احنا الشفوى اتقلب تحريرى علشان مفيش نظام ومفيش مكان للدكتور يقعد اصلا
    كل الاماكن مقفوله يااما ناس تانيه بتمتحن ...

    بالنسبة للاجهزة بقى فعندنا برضه حاجات زى بتاعتكم دى بس لاى اس بس P:

    انا باخد ف المعامل الجديدة الحمد لله
    ومع ذلك هو اسبوع والشاشات باظت هههههههههه

    لنا الله
    ЯậŇ MỗŘỹ said...
    هههههههههههههههههههه
    احنا الحمد لله بيقولوا فى اجهزه اتسرقت من المعامل الجديده اللى ما داخلنهاش غير كام مره كده
    و حتى لما بنمتحن عملى عملى بنكون متضايقين
    يعنى مفيش حد عاجبه حاله
    بقولك ايه يا بشمهندس ادعى معايا
    ربنا يطلعنا منها على خير
    سلام لأن امتحاناتى قربت و انا بستعد كويس بقرا هارى بوتر اصلهم هيمتحنونا فيه الترم ده
    سلام
    !! a7mad sala7 !! said...
    e_emy

    خلي الناس دى كده
    قرن ورا قرن يأذو فينا


    وبالنسبة لاى اس
    احنا مش محتاجين اجهزة على فكرة
    احنا عقليتنا اكبر من كده بكتير :P

    ال عملى ال
    !! a7mad sala7 !! said...
    روح بلا فرح

    هارى بوتر
    ممممممممممممممم

    لا ربنا يوفقكو
    بجد بتتعبو
    :D

    يالا الحقى امتحانك ;;)
    ShiMOo said...
    ده انتوا تحمدوا ربنا
    احنا العملي بتاعنا بروجرام
    هتقعد على الجهاز وترنه هتاخد 20
    مش هيرن يبقى 0 من غير حتى ما يناقشك الايرور فين D:
    غير معرف said...
    بوس ايدك رجل وورك يا احمد والله يا ابنى احسن

    وبعدين بلاش الشعارات دى ههههههه
    لو كانوا عملوا لكم اللى بتقول عليه
    هتقول يييه
    ايه الكلية الصعبة دى يا جدعان
    طول السنة نطبق نطبق حتى فى العملى

    افكس يا ابو صلاح
    ابتسم انت فى حاسبات
    OlivE said...
    لـــــــــــــــنا الله فى الكليه دى.
    Boba said...
    عشان تبطل تريقة ع العملي بتاعنا
    اهو احنا اجهزتنا توماااااااااااام

    بسي مش بنسأل امتحان العملي امتى
    فبيتلغي
    ههههههههههههههه
    Bola 7elmi said...
    وان كان حبيبك عسل
    اقفل عليه عشان ميلمش الدبان

    أيوا وحياة والدك .. يعني يابا العمده كفايه النموس والجرف ديه .. كمان دبان

    بلاش نضحك على نفسنا للدرجادى

    يا عم عيش اللحظه .. يعني مش فاهمه عاوز ايه م الحكومه مستهزء بيها ومش عجبك حاجه ايه هتعملك ايه انت :@
    قولتو حاسب جابتلكو حاسب ..
    تقطع نفسها يعني
    دنتا عجيب صحيح

    بجد حاجة تضحك وتكسف فى نفس الوقت

    :"> أنا بردو بصراحه مكسوفالك سلف شيل يابني الصوره بلاش فضايح .. ف أجانب بيدخل بلوجك

    كل واحد قاعد ادام جهاز وهو مقفول
    والدكتور بيسال شفوى بردو

    بس الاسم انه عملى وخلاص



    ههههههههههههههههههههههههههههه

    لا. والله يابني م قادره اضحك .. بس تفائل دا انت فـ إيجبت فـ إيجبت :))
    ومصر ولاّده .. وكفايه عقلياتكم
    كومبيوترات ايه بس ..
    !! a7mad sala7 !! said...
    ShiMOo


    يااااا سلااااااااااام

    ومن 20 كمان

    :D

    اللى يشوف بلاوى الناس....
    :D
    !! a7mad sala7 !! said...
    غير معرف

    لا مش هنقول كده

    لو بنتعلم حاجة فعلا

    بنيجي نمتحن فيها فى الاخر
    يبقي مفيش مشكلة

    وانا مبتسم اهو
    :)

    منورنا يا ان نوون
    !! a7mad sala7 !! said...
    olivetree


    يااااا رب
    !! a7mad sala7 !! said...
    Boba

    ;))


    طب شفتو بقي الروقان

    طب احنا ولا دول

    اجهزتهم موجودة ومش بيمتحنو كمان


    قرو عليهم شوية بقي
    كفاياكو قر على اسماعلية كده
    !! a7mad sala7 !! said...
    Bola 7elmi

    //يا عم عيش اللحظه//

    ههههههههههههههههههههههههههههه
    ماشي

    هعيش

    :D
    Bola 7elmi said...
    انا دخلت وبعدين مركزتش فـ الاغنيه
    بس سمعتو كأنو بيقول متحلمشي متحلمشي
    أرجوك متحلمشي
    ليه أحمد هو الأحلام حرمت .. ولا بقت بفلوس
    وهحلم هه بس هحلم
    هحلم
    هحلم
    وملكش دعوا :P
    !! a7mad sala7 !! said...
    Bola 7elmi

    http://a7mad-sala7.blogspot.com/2009/03/blog-post_14.html

    طب شوفى اللينك دا كده
    وبعد كده نتفاهم

    :D
    غير معرف said...
    حسبي الله هو نعم الوكيل

    اكتر حاجة اني اشوف مشهد يفطس من الضحك والقهر مع بعض

    وللاسف المشاهد دي بتكتر

    ولنا الله يا حاسباتيين

    سلامو عليكو
    Bola 7elmi said...
    ttp://a7mad-sala7.blogspot.com/2009/03/blog-post_14.html

    طب شوفى اللينك دا كده
    وبعد كده نتفاهم


    >> رحتو وسبت تعليقي هناك ,,
    عموما أنا مبحلمش كتير .. وغالبا م بتبقى كوابيس D:
    فلما أحلم مش عاوزه حد يقولي فـ منامي
    " متحلمشي " متحلمشي "
    مش ناقصه عفايت

    وسلاااامي
    halaS demahoM said...
    اتكتب امتي دا يا واد
    فاتني نص عمري
    اهو عادي
    يعني كنا عملنا ايه بالنص التاني
    !! a7mad sala7 !! said...
    Mohamed Al-Sayed

    //اكتر حاجة اني اشوف مشهد يفطس من الضحك والقهر مع بعض//

    هههههههههههههههه
    اه والله يابنى

    ربنا يكملهالنا على خير
    !! a7mad sala7 !! said...
    Bola 7elmi

    هههههههههههههههههههههه

    طيب هرد عليكي هناك :P
    !! a7mad sala7 !! said...
    mo7mad sala7 3rafa

    لا يا عم مفاتاكش حاجة
    ولا انت كنت عايز تشمت ؟؟

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds