سمك...لبن...تمر هندى

سلاااااام عليكو

نرجع تاانى لمغامرات كليتنا الجميلة

من يومين بكلم واحد صاحبي عن المواد واللايحة الجديدة و و ...
وبالصدفة جت سيرة سنة اولى حاسبات عندنا
واكتشفت ان عندهم لايحة ممتاااااازة
وانهم بيتعلمو اوبجكت من دلوقتى
وبيتعلمو اوراكل وزى الفل
طب تماااام مين بقي بيديهم
تلاقى اللى كان بيدينا او ار بيديهم داتا بيز
واللى كان بيدينا سيكشن سيستم بيدديهم برمجة
واللى بيدينا جرافيكس بيديهم سيستم
وكل يغنى على ليلاه
سمك...لبن...تمر هندى
ونيجي نتكلم يقولك اسكتو انتو
احنا فاهمين احنا بنعمل ايه

على اراى س من الناس
بيقولك هما بيبقو قاعدين فى اجتماع
ويقسمو المواد على بعض
مين عايز داتا بييييييز؟ انااااااا
مين عايز او ار؟ اناااااا
مين عايز مش عارف ايه

يخش واحد عايز من التورتة
ينادوله وعندك 2 سيستم وواحد اوبجكت وصلحه
حد جه الاجتماع متاخر ولا حاجة
يشوف الحصالة عنده
باقي عندنا دى اس اس واحصا
تاخد انهى فيهم؟؟

المهم نراضي الناس بتوعنا
وكلنا حبايب
ويبقي زيتنا فى دقيقنا
ودارى على شمعتك تقيد يا عم
واحمد ربنا ع النعمة اللى انت فيها

نروح نحضر سكاشن نلاقى المعيد مش عارف يقول ايه
ومش معاه منهج يدرس منه اصلا
مفيش تواصل بين الدكتور والمعيد
تلاقى الدكتور بيشرح فى وادى والمعيد فى وادى تانى
الاجهزة ما شاء الله حاجة رهيبة
والمعامل مجهزة على اكمل وجه
والسوفت وير فيها مغرقنا وكل البرامج موجودة
وبيوزعوها ع الطلبة زى الرز بلبن فى السبوع
ولا ايه ولا ايه ولا ايه..........
ولما نغيب من الكلية
والحضور يقل
يقولك مبتجوش ليه
وكده مش هينفع
واللى هيغيب سيكشنين نبعتله جواب ع البيت
واللى يغيب 4 سكاشن يحرم من دخول الامتحان

شوية وهيقولك استدعاء ولى امر
دا ماتبعتليش فى الثانوى لما مكنتش بروح خالص
هيتبعتلى وانا فى الكلية

بس ارجع واقول دى عين وصابتنا :D
الحاقدين كترو اوى والقر زاد عن اللزوم
النهارده بيغصبو علينا نحضر
يا عالم بكرة هيعملو فينا ايه!!!

وسلملى ع الرؤية
اصل احنا عندنا رؤية غير بتاعة الناس كلها
كنا بناكل جزر كتير واحنا صغيرين ;;)

ولا الرسالة
كلاااام كبير اوى :D
اقعدو بالعافية :)

8 Comments:

  1. ShiMOo said...
    لالالا ايه المهزله دي انتوا مش مبروزين رؤية الكليه !!!!!
    تعالى اتفرج علينا بقى كلية 4 ادوار وكل دور فيه اهداف الكلية ورؤيتها متبروزين ومش اي برواز يافندم p-:
    والله بجد صعبانين عليا ايه القحط اللي معيشنكوا فيه ده !!! :(
    وبعدين اهداف الكلية ورؤيتها هي مستقبلكوا D: تقدر تقولي ازاي لحد دلوقتي مش متبروزين !!!
    ده اسمه استهتار )-X
    OlivE said...
    ههههههههههههههههههه
    طيب تسمحلى اغنى على ليلى بتاعتنا شويه ...
    احنا خير اللهم اجعله خير من كام شهر كدا قال ايه الكليه هتدخل فى برنامج التطوير ومعرفش ايه ولاقينا كل دكتور شايل بتاعه كدا متبروزه وفيها شويه كلام زى المكتوربين عندك دا كلام والله شكلكم اخدتوا اللوح بتاعتنا وفى كل دور يعلقوا كام واحده من الحاجات دى وكل من نقرا الكلام نضحك عليه يابنى هو بقى فى حد بشوف اليومين دول علشان يبقى فى رؤيه ولا نضارات ...
    فعلا النظام الجديد دا فى كل الكليات عامل فجوه ما بينا احن الغلابه وهما اللى مطحونين فى الحاجات دى وكل ما تيجى تتكلم يقولك دا الكلام دا فى اللايحه الجديده طيب وبعدين يعنى ايه اللى هيحصل ...
    وبكره اللايحه الجديده تبقى قرطاس لب ...

    ومن ناحيه ان انتم محسودين فانتم محسودين وانا ماسكه الخشب على فكره

    وبلاش موضوع لبن وسمك مع بعض البرد مبهدل الناس ومش ناقصين والله

    شكرا على الصوره عجبانى اوى مش تجبها كامله علشان نستفاد برضوا من الكلام المكتوب ملكش حق

    شكرا على الموضوع
    Doaa said...
    احمد يابني انت تحمد ربنا ان اجتماع التورته بيتم قبل الدراسه ما تبدأ عندنا بيفرقوا التورته بعد الدراسه بأسبوعين تلاته علي مايفتكروا ان فيه كليه اصلا وتشوف بقي العميد وهو بيطلب اصحابه علشان يجوا يدونا ياسلااام حقيقي الصديق وقت الضيق عندنا بيتزنقوا في الدكاتره امال ايه نحن نختلف عن الاخرين
    وتلاقي دكتور يقولك هديكوا ايه اي وبعدين حد يجي يديها مش يسكت بقي لا ازاي الايه اي اتاخدت لازم يشوف حاجه تانيه يدخل علي الداتا بيز ودكتور تاني يجي يقولك ايه حد معاه كتاب نشرح منه يوريهولي اصل الطالب لازم يشارك معانا اه وماله ياخويا لاومش يشارك في وضع المنهج لااا ولازم يشرح اللي جايبه يعني تحط المنهج وتشرحه زي الشاطر الدكتور جاي اشراف ويقولك اصلها الجوده.
    اما بالنسبه للإنزارات فكليتنا كان ليها السبق في عمل انزارات مش علي الغياب لا طبعا علي التأخير عن المحاضره تلاقيك كل يوم رايح الكليه وجاي من الكليه وتبص تلاقي جواب جايلك علي البيت ايه ده دا انزاااار عندنا كل شئ جايز.
    اقول ايه ولا ايه بس ربنا علي الظالم وعلي احمد صلاح بالمره فكرني واحنا داخلين علي امتحانات
    ايييييييييييييه كله عليه وسوري علي الازعاج ياجميل
    دريم كبير said...
    اه ماانت اللي عودتهم على كده

    انا لو منك كنت جيت الصبح اول واحد وقعدت اول واحد وهم بيقسموا التورته

    ههههههههههههههه

    يابني

    Smile You Are In Egypt
    !! a7mad sala7 !! said...
    ShiMOo

    هههههههههههههههه
    برواز!!
    مهى يافطة مضيئة
    مش شرط يعنى

    بس ماشي حاضر نبروزها
    ونجيبلها 2 حراس كمان
    كل يوم يلمعوها الصبح
    وماله :D
    !! a7mad sala7 !! said...
    olivetree

    هههههههههههههه
    اعتبرى معاكى المايك
    غنى زى مانتى عاوزه

    اما موضوع الجودة ده بقي
    فـ عاوزله موضوع لوحده
    !! a7mad sala7 !! said...
    Do3a2

    اه انتو بقي جابولكو التورته قطع جاتوه
    ههههههههههههه

    ملحقتوش تحضروا التقسيمة يا عيني

    وموضوع الانزار ده اللى مسخرة اوى
    ههههههههههههههه

    يالا معلش
    علشان توصل لازم تاخد انزارات :D
    واعتبرو نفسكو كبش الفدا للدفعات الجاية
    قصدى فداءا للدفعات الجاية ;))
    !! a7mad sala7 !! said...
    دريم كبير

    هههههههههههههه
    صح انا اللى غلطان
    مانا اللى اخدتهم على كده
    يالا معلش بقي
    انا الكبير بردو
    ولا ايه;)

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds