هتعمل ايه؟؟

ويلكم ايفرى بادى :)

معلش الكام يوم اللى فاتو دول البلوج كان متلخبط خووولص
ومواضيع بتتضاف
ومواضيع بتتحذف
بس انا عارف انكو هتستحملونى :-P
المهم موضوعنا النهارده لذيـــــــذ
بيتهيالى (بقى) لذيذ
-هتعمل ايه لو نمت يوم وصحيت
ولقيت
اقرب ما ليك فى الدنيا مش حواليك
؟؟؟؟؟؟؟؟
دا مش كلام شرين
دا كلامى بس انا سبتها تغنيه:D
مش معنى ان اقرب ما ليك مش حواليك انهم ماتو
لا
مش بالضرورة
دا الادهى والامر انهم يكونو معاك
ومش معاك
معادلة صعبة
مش كده؟؟
بس بتتحقق دلوقتى
وبسهولة
وكأن دا عادى جدا
لا واقل كمان من العادى (حسين الجسمى المرادى):D
انه يبقى انسان معاك وهو مش معاك دى بقت تقليدي جدا دلوقتى
وانك تحس انك وحيد فى مجتمع مزدحم من الناس
دى مفهاش اى شيئ من الغرابة!!

انك تنام وتقوم
وفى يوم وليلة
تلاقى حاجات كتير بتتغير فى حياتك
وادوار بتتوزع من جديد
وحاجات انت مطالب تتاقلم عليها
اظن دى مش هينة...

-حاجات كتير فى حياتنا
اتسببت فى حيرتنا
وادينا عايشيـــــــــــن

وكل يغني على ليلاه...
.......

8 Comments:

  1. Boba said...
    العب يا عم براحتك
    البوج بلوجك واحنا ضيوف عليك
    واللي هتقدمه احنا هنشربه
    قصديه هتقراه
    هيتقري هيتقري يعني

    اما بقى هتعمل ايه
    لو عرفت هتعمل ايه ونبي والاخوة يا شيخ لا تقولي
    فاكر اول ما طلع الفيلم قعدت اقولك الاغنية دي دمار
    وانت مش رضيت تسمعها
    بس انا برده معرفتش ممكن تعمل ايه
    بتهيألي اني قولتلك المفيد
    افادني الله D:
    ال مفيد ال
    e_emy said...
    ايه البوستات الجامدة دى

    بس البوست الى اتمسح "وقفت قدام المرايا"
    تحفة بجد

    هتعمل ايه ؟؟

    بستسلم للامر الواقع واسكت واسكت
    لحد مايجى لحظة واطلع الى جوايا...
    مش هقولك بقه ساعتها ايه بيحصل ):

    وساعات بحاول اتأقلم .. بس بفشل

    بوست جميل جدااااااااا
    halaS demahoM said...
    انا يا سيد أحمد تقريبا مش فاهم قصد معاليكم
    انا شايفك بعيد أوي

    مش مهم
    بس عاوز اقولك حاجه معاليك
    انت في نعمه ومتقوليش ايه هي ؟؟؟
    لاني هقولك حاجه بسيطه جدا لو كنت سمعت الفيلم ده
    انا بيحصل لي حاجات اشبه باللي بتحصل لحسن اللي هو أحمد حلمي

    عيبكم يا شباب وانا منكم
    انكم مش عارفينها كويس
    ايوة مش عارفينها
    كمان........الدنيا
    اقصد الدنيا
    ولما تترزع علي دماغك رزعتين تلاته كده ورا بعض
    يا ريت ... استحلفك بالله انك تقولنا هتعمل ايه
    في موضوعك اللي ع البلوج ده

    وأوعدك انك هتقول يا ريتني ما كتبت الموضوع ده


    الدنيا أكبر بكتيــــــــــــــــر من التهيات اللي في دماغك دي

    وانا بقي لو مكانك هعمل ايه؟؟؟؟
    مش عارف والله بس أكيد مش هاخد راي حد قدي في السن والخبره زي ما انت عملت كده

    تقبل رزالة أهلي
    معلش اصله اتغلب الصبح اربعه اتنين
    سلامتك من الهبل يا ابوهم
    !! a7mad sala7 !! said...
    Boba

    بالظبط كده

    افادكم الله :D

    المهم منوراناوخلاص
    !! a7mad sala7 !! said...
    e_emy

    ضيفتنا العزيزة :)

    ميغسي بيا
    دا من ذوقك اكيد

    بس مسحته لان فى ناس فكرت ان انا اللى كاتبه :D

    بالنسبة لموضوعنا
    الواحد بيحاول يتأقلم اهو والله
    وربنا معانا

    منورانا يا ايمان كالعادة
    !! a7mad sala7 !! said...
    mo7mad sala7 3rafa

    كل اللى اقدر اقولهولك

    مبروك للاهلى

    حضرتك بتقول مش فاهم قصد معاليكم
    يبقى ردك ده على اساس ايه

    الا صحيح
    فيلم ايه ده اللى بتحكى عليه ده



    يا ابوهم
    halaS demahoM said...
    سيبها يا ابوصلاح
    دي اخر ما بينا

    يا ريت متقطعهاش

    شعرة ابوهم يا ابوهم

    ولا اقطعها وخلاص
    ومبقتش تفرق سينا من سونيا
    !! a7mad sala7 !! said...
    ايه يا عم
    حيلك

    براحة شوية

    الشعرة عمرها ما هتتقطع يا صاحبي

    وانا شفت الفيلم على فكرة
    جااااااامد

    منور بيت اخوك يا فوزى :D

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds