حط نفسك فى مكانى

سلااااااااام عليكو جميعا
-------------

الا قولولي هو بلوج مين ده

انا ببص فى التوقيع بتاعى كده لقيته بلوجى
تصدق صحيح

عموما انا جاى النهارده انفض التراب اللى عليه بس
كح كح كح

طيب بعد التنفيض
نخش فى موضوعنا بقى

بيقولو أن الصمت أبلغ لغات الكلام...


وبيقولو بردو لو كان الكلام من فضة فالسكوت من ذهب...

وقالو حاجات كتير عن الصمت......


لكن تعمل ايه إذا كان الصمت طبعك عند الحزن والغضب .. ؟؟


عندما يسيء اليك عزيز لديك بكلمة أو تصرف ...

فياخذك الصمت وتتجمد الحروف على شفتيك .... وتتحجر الدموع في عينيك ...... ماذا تفعل ؟؟

إذا تجاهل هذاالشخص آلمك ..... وتناسى إساءته .......

ذلك لانك طيب ومتسامح .... وسوف تنسي له ذلك ...
وسيمر ذلك عليك مرور الكرام

وتابع حياته معك وكأن شيئا لم يكن .... والصمت طبعك .... والألم بداخلك يقتلك .... ماذا تفعل ؟؟
.

إذا تجاهلك عزيز لديك .... والتفت الى أولويات واهتمامات أخرى .....وابتعد عنك ....

وأنت تركض خلفه تريد احتضانه .... ويستمر باهتماماته الاخرى .... فتتركه وتبقى مع ذكرياتك ....

يعود اليك لائما معاتبا .... متهما اياك بالبرود .... والابتعاد عنه ....

وانت بصمتك لاتستطيع ان تقول له انه المخطىء وترد على اتهاماته ...

وتبقى مع ألمك الداخلي .... لاتستطيع حتى أن ترتشف قطرة الماء ....

تشعر أن كل شيء فيك قد تجمد .......... ماذا تفعل؟؟

.

إذا تعلقت بإنسان وشعرت انك بوجوده معك قد ملكت العالم بيديك ....

واختفى من حياتك .... وهو يعرف انه بتصرفه سيقتلك قلقا وخوفا عليه ....

ويتركك تنهار وتنهار وتتحطم ......

ويعود إليك معاتبا .... متسائلا .... لماذا تغيرت ؟؟؟؟؟

وأنت تقف حائرا وتشعرأن جميع حروف الهجاء قد اختفت من ذاكرتك ..

فالصمت طبعك .... ماذا تفعل؟؟


.

عندما تهرب بصمتك ممن اساء اليك لتبكي بمفردك وتبكي ....

وعليك أن تظهر أمام الناس بانك سعيد وقوي .... مرح. متفائل ...... ماذا تفعل ؟؟


.

حين تنثرُ الورود ..
وتنشرُ العطور..
وتنتشي كطِفل ..
فرحاً لنجاحِهم ..
ثم يشككون في مصداقيةِ مشاعرك ..

.
حين تقفُ على تلالِ الشوق ..
تترقبُ بلهفة قدومَ قوافلِهم ..
وتملُّ الساعةُ من نظراتِك لها ..
ثم تكتشف أنّهم نسُوك ونسُوا الميعَاد ..


عندما تشعر بأن قلبك اصبح اضعف من أن يحتمل المزيد من الالم .ممن حولك ....

وأنت لاتعرف أن تتكلم عند الحزن والغضب .... ولا تعرف أن تلوم أو تعاتب...... ماذا تفعل ؟؟
.

عندما يحضنك ارق انسان واحن قلب عليك ــ وتبحث في عينيك عن اسباب حزنك ....

فأنت عاجز عن النطق وخائفا من أن يكتشف باحساسه اسباب حزنك ....

وانت حريصا على ان لا تسيء امام الناس لمن كان سبب آلامك ......... ماذا تفعل ؟؟

.
.
هل جربتم يوما شيئا كهذا ؟؟؟؟؟

هل احسستم بالم الصمت ؟؟؟؟؟
.

عند صمتكم بهذه الحالات لن تستطيعوا الكلام ولا الشراب أو الاكل ....


ماذا تفعلون إذا كنتم لاتستطيعون التغلب على نقطة ضعفكم التي هي صمتكم عندما يساء اليكم ؟؟؟؟؟

.
.
.

وحاولت كتيرر إني لاقي جواب لهذا السؤال بس للاسف مش لاقى !!!!!!


ماذا تفعل اذا كان الصمت طبعك ؟؟؟؟؟



13 Comments:

  1. غير معرف said...
    السلام عليكم .. مبروووك الموضوع الجامد ده .. بس في حاجات تانية كتير ممكن الصمت يكون حلها سواءا في الاساءة أوغيرها ..

    يعني ساعات ألمك أو حزنك متقدرش تحكيه لحد ويكون الصمت ثم الحزن ثم الكبت فالبكاء هو الحل الوحيد .. شكرا ليك على الموضوع الجميل .. ويا رب تكون الآلام مؤثرة في حياتنا إيجابيا ..
    !! a7mad sala7 !! said...
    وعليكم السلام

    محمد السيد حلمى عندنا
    يا مرحبا يا مرحبا

    منور يا محمد والله
    وخصوصا انك اول مرة تشارك فى البلوج حجى

    اكيد طبعا ساعات بيبقى الصمت هو الحل الوحيد
    بس الاكيد بردو
    ان كل انسان ليه طاقة معينة
    بعدها ممكن ينفجر فى الناس اللى حواليه
    ويتغير جزريا ويبقى انسان تانى خالص
    وده هيأثر عليه وعلى اللى حواليه سلبا

    شكرا يا محمد لمشاركتك
    دريم كبير said...
    السلام عليكم ورحمة الله وبركاته

    بداية الف مبروك على الرجوع للمدونه واتمنى الغبار ميرجعش تاني


    تاني حاجه بالنسبه للمووضع فهو بجد رائع وبيحصل كتير في الزمن ده(زمن المصالح) وبيكون ضحاياه اصحاب القلوب الطيبه اللي بيتشتتوا في غمره الحياة وبيجدوا الحزن لأن المجتمع قاسي ومفيش اي فرصه يعبروا عن مشاعرهم بسبب قسوته وفي الواقع الناس دي اغلب الوقت بيعيشوا في العالم الافتراضي (دنيا الخير) اللي بيتصوروا ان كل الناس بيقدروا مشاعر كل الناس وان طالما انا حاسس بالشعور ده يبقى اكيد غيري مقدر الشعور ده فيتصدموا بالواقع المرير والمؤلم

    ونصيحتي ليك يااحمد حاول تتحكم امتى تعيش في عالم الخير وامتى تعيش في العالم القاسي لأن دي تجارب مريت بيها
    halaS demahoM said...
    اسف جدا يا سيد أحمد
    مش هقدر اعلق علي موضوعك دلوقت
    بس اوعدك هقراه وارد عليك بعدين
    مع اني من قبل ما اقرا رديت عليك

    مش موضوعنا
    هعلق بس علي اول جزئيه
    لانها خاطئه جدا جدا
    يعني الصمت افضل لغات الكلام
    مش هطول
    بس هقولك
    لو الهدوء افضل لغات الشغب
    يبقي ممكن يكون كلامك صحيح

    الصمت فعلا افضل من الكلام
    ولكن في مواقف معينه
    في مواقف يا محترم لازم تاخد موقف وتعرف تتكلم
    اللي افضل من الصمت فعلا
    هو الكلام المحترم اللي انت بتنتقيه من الفاظك

    سلامي المؤقت
    معلش الواد ابن اختي قارفني وانا بكتب لك
    سلام يا حبي
    Boba said...
    اقولك
    اقولك
    اقوووووووووول
    ؟
    اللي ما يحسش يصمتك دليته من حياتك
    او على الاقل من دايرة اهتمامتك
    واسمع براجع نفسي
    شرين
    e_emy said...
    يـــــــــــاه

    والله نفس احساسى ):

    ""ان كل انسان ليه طاقة معينة
    بعدها ممكن ينفجر فى الناس اللى حواليه
    ويتغير جزريا ويبقى انسان تانى خالص
    وده هيأثر عليه وعلى اللى حواليه سلبا""

    عاوزه اقول بجد نفس الكلام ده

    ولما نتعود ع الصمت وخلاص اهى عيشه وخلاص ونسكت ونسكت لحد ما نبقى ناس تانيه غيرنا

    نبقى ف الاخر مش عاجبين مع انهم السبب ف تغيرنا ...... سبحان الله

    ونرجع تانى زى الاول ويحصل نفس الحاجات
    حاجه .......

    بجد بوست تحفة
    ومعلش طولت ):
    !! a7mad sala7 !! said...
    وعليكم السلام ورحمة الله

    ازيك يا يا دريم ;)

    نورتنا يا باشا وان شاء الله مفيش غبار

    عندك حق فعلا
    اصحاب القلوب الطيبة دلوقتى ضحايا
    ودنيا الخير بقت عالم افتراضى فعلا

    والحل هو التعايش
    بس ساعات التعايش بيفرض عليك صفات انت مش عاوزها فى نفسك
    يعنى عشان تتعايش لازم تبقى منافق
    لازم تبقى مجامل
    لازم تبقى كداب

    للاسف
    !! a7mad sala7 !! said...
    اسفك معاك يابوصلاح
    مع ان الميد تيرمات خلصت
    بس يالا ربنا يكرماك وايانا

    مش هنعلق غير على حتت انك لازم تاخد موقف
    موافق فيها

    ونتناقش لما تكمل ردك بقى يا صاحبي

    نورتنا فى الزيارة السريعة دى
    !! a7mad sala7 !! said...
    ايه يامو خوخة

    اقول اقول
    انتى هتغنى ولا ايه :D

    للاسف لو اخدت بالنظرية دى
    هدليت معظم الناس اللى اعرفها
    :-&

    عموما نورتينايا هبه
    وسلميلنا على خوخة :D
    !! a7mad sala7 !! said...
    e_emy

    بجد منورة البلوج
    ردك ما هو اللى تكمله للموضوع

    والنتيجة اللى قلتى عليها دى نتيجة طبيعية جدا للى بيحصل

    شكرا لذوقك وتقديرك :)
    Boba said...
    أزال المؤلف هذا التعليق.
    MOROOOO said...
    هو انا لو عملت بالكلام اللى اتقال يبقى هدلت كل الناس اللى اعرفهم
    لانى انا من النوع الصموت جدااااااااااااا
    و محدش بياخد باله من صمتى ده
    بلوج رائع من شخصيه اروع
    شكرا على الكلام الجميل
    !! a7mad sala7 !! said...
    MOROOOO

    ربنا يحليكي
    متشكر جدااا على ذوقك
    وبجد نورتيني فى البلوج

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds