هل تقدر تنسى حب انت حبيته؟؟؟

لو أحببت إنسان وهذا الإنسان لم يبادلك نفس الشعور.. أو تلاعب بعواطفك.. أو جرحك.. هل من المعقول أن تكره هذا الإنسان ؟ !
أو على الأقل تنساه وتعيد برمجة نظام حياتك من غيره؟! هل تستطيع أن تشطب أسمه من حياتك؟؟
ربما تستطيع فعل ذلك.. لكن أن تشطب أسمه من قلبك..؟ فباعتقادي هذا محال..
وإذا حصل ذلك فهذا يعني أنك لم تعطيه الإحساس بالحب الصادق.. لكن أليس من حق نفسك وقلبك أن تريحهما بالنسيان !أليس من حقك أن تعيش حياتك بدون جراح بعيدا عن الذكريات المؤلمة..
أشعر بالنقيضين يسريان في دم كل شخص قد مر بمثل هذه التجربة..
هل النسيان هو الحل..؟
والقلب ينبض بالحنين.. ؟
وقد انتهى هذا الحب بالفراق الحتمي ..........
رأيكم هل يمـكن أن تكره من أحببت ؟؟

4 Comments:

  1. e_emy said...
    "لو أحببت إنسان وهذا الإنسان لم يبادلك نفس الشعور.. أو تلاعب بعواطفك.. أو جرحك.."

    لو حصل دا يبقه انا اخترت انسان غلط
    بس مش معنى كده انى هكرهه لا هنفتكر الفترة دى من حياتنا ونفتكر الى اتعلمناه علشان لما نختار تانى نختار صح

    اكيد ف الاول هنبقه كارهين الدنيا والتعامل مع الناس بس اكيد هنلاقى الى يعوضنا عن الى فات

    النسيان او الهروب بالنسيان هو الحل
    لان مش معقول هفضل أحب واخلص لحد وهو مش بيحبنى

    "والقلب ينبض بالحنين.. ؟"
    للأسف هى دى نقطة ضعف اى حد بيحب
    ويمكن دى الى متخليش اى حد يكتشف الجرح دا غير متأخر بعد ما يكون حب ...

    معلش طولت عليك
    موضوع جميل اووووى
    وبلوجك رااائع
    halaS demahoM said...
    انا رأيي يا احمد انه الواحد مادام اتعلم حاجه صح هتفيده في حياتو
    يبقي هو مش كان علي خطأ حتي لو كان علي خطأ.....طبعا محدش فاهمني هنا غيرك
    يعني يا جماعه من شرط اننا ننسي
    بالعكس احنا لازم نفضل فاكرينه ونحطه قدامنا في شتي الامور .... ونكمل حياتنا عادي جدا
    وطول ما هو قدامنا نحاول نكبر ونكبر ونكبر....لغيت ما يكون هو بالنسبه لك لاشئ وبكده تعتبر انت نسيتوا غصب عنك ومن غير ما تشعر
    يا ريت يا احمد تترجم كلامي
    بس
    حبيت اضيف
    النسيان يعني هروب والهروب يعني ضعف والضعف مش مطلوب في المواقف دي
    وعاوزكم تتأكدوا من حاجه انه ربنا بيحبكم أوي .... عشان كده لو الامر ده فيه مصلحه ليك تاكد انه ربنا هيمشيه ليك رغم كل الظروف
    ولو مش اراد ربنا فدي حكمه الهيه فيها مصلحه ليك
    انا مش عارف يا احمد انت بتكتب مواضيع من دي ليه؟؟؟؟الله يخرب بيتك امال لما تقع بقي هتكتب ايه؟؟؟
    حاسب علي نفسك يا ابوالصحاب وخليك علي البر اضمن صدقني البر حلو أوي
    سلامي ليك يا ابوهم بين قوسين الصحاب يعني
    Che Ahmad said...
    صلاح باشا
    بص يا سيدي
    الدكتور النهاردة كان لسه بيقولنا شوفوا الاغلبية هتعمل ايه وهيبقي هو الغلط
    ومبدأي ف الحياة " وإن تتبع أكثر من ف الارض يضلوك "

    الناس كلها بتقول اللى يحب لا يمكن يكره

    لا انا بقول اللى يحب ممكن جدا يكره

    لما تحب وتتجرح ويخدعك الطرف التاني ويكذب وتديله كل حاجة وهو ياخد وما يديش
    المطلوب بعد دا كله انك ما تكرههش ؟؟
    لا اكره لو الكره هيريحك
    لما تدي كل حاجةفكل وقت وتقابل بخديعة ونكران مش مطلوب منك انك تسامح
    لا اكره ولو سمحت دا كرم اخلاق منك تحمد عليه طول العمر
    تسامحك عطية وهدية تعطيها وتبتعد وانت بتلعن اليوم اللى عرفت فيه الحب دا

    مش بتكلم عني والله بقدر ما بقول ان الكره ساعات بيبقي الشعور المناسب وقتها ولما تتغلب عليه وتتعداه يبقي انت انسان رائع بس لو مقدرتش فانت انسان طبيعي وبتعمل حاجة طبيعية ع الاخر يعني

    اما النسيان ف الزمن كفيل بانه ينسيك اي حب .... إلا أول حب
    دا بالنسبة للولاد يعني
    MOROOOO said...
    اكيد انسى لا
    بس هيبقى احساسى ناحيته لا هو حب ولا كره هيبقى احساس محايد تماما

Post a Comment



رسالة أحدث رسالة أقدم الصفحة الرئيسية

Blogger Template by Blogcrowds